राज्यातील माजी सैनिक व सैनिकांच्या विधवा पत्नींना 'या' योजनेमुळे होणार लाभ!

नाशिक : (मालेगाव) राज्यातील माजी सैनिक व सैनिकांच्या विधवा पत्नींना घराच्या मालमत्ता करात सूट देण्याचा महत्वपूर्ण निर्णय उपमुख्यमंत्री अजित पवार यांनी शुक्रवारी (ता.13) विधानसभेत जाहीर केला. बाळासाहेब ठाकरे माजी सैनिक व सैनिक विधवा पत्नींना मालमत्ता कर सूट योजना जाहीर करण्यात आली आहे. 

अडीच लाख माजी सैनिक व सैनिक विधवा पत्नींना लाभ होणार

राज्याचे कृषी व माजी सैनिक कल्याण मंत्री दादा भुसे यांनी यासाठी मुख्यमंत्री उध्दव ठाकरे यांच्याकडे पाठपुरावा केला होता. या निर्णयाचा राज्यातील सुमारे अडीच लाख माजी सैनिक व सैनिक विधवा पत्नींना लाभ होणार आहे. श्री. भुसे यांच्याकडे माजी सैनिक कल्याण विभागाचा देखील पदभार आहे. विभागाच्या पहिल्याच आढावा बैठकीत त्यांनी माजी सैनिक व सैनिक विधवा पत्नी यांना मालमत्ता करातून सुट देण्याबाबत निर्णय घेतला होता. त्यानुसार बाळासाहेब ठाकरे माजी सैनिक व सैनिक विधवा पत्नी यांना मालमत्ता करात सूट योजना लागू करण्याचा निर्णय वित्तमंत्री अजित पवार यांनी काल (ता.13) अर्थसंकल्पावरील चर्चेला उत्तर देतांना विधानसभेत जाहीर केला होता. 

हेही वाचा > येत्या हंगामात 'हे' दोन्ही कारखाने सुरु होण्याची शक्यता...कारण

या निर्णयानुसार शहरी व ग्रामीण भागातील सुमारे अडीच लाख माजी सैनिक व सैनिक विधवा पत्नींना मालमत्ता करातून सूट मिळणार आहे. आर्थिकदृष्ट्या सक्षम ग्रामपंचायत, नगरपंचायत, नगरपालिका व महापालिका यांनी स्वच्छेने माजी सैनिक व सैनिक विधवा पत्नींच्या मालमत्ता कराचा भार स्वत: स्विकारावा व ज्या संस्था आर्थिकदृष्ट्या सक्षम नाही त्यांच्यावरील आर्थिक भार ग्रामविकास व नगरविकास विभागामार्फत अदा करण्यात येणार असल्याचे श्री.भुसे यांनी सांगितले.  

हेही वाचा > अचानक पहाटे 5.30 ला 'राज्यराणी' थांबवली!...अन्