Nashik News : रहिवासी वापर म्हणून असलेल्या फ्लॅटमध्ये अनधिकृत गाळा तयार करून व्यावसायिक वापर सुरू होता. महापालिका नगररचना आणि अतिक्रमण पथकाने शुक्रवारी (ता. १९) दुपारी कारवाई करत संबंधित गाळा सील केला.
भद्रकाली टाकसाळ लेन येथे भरत कटारिया यांच्याकडून फ्लॅटमध्ये अनधिकृत गाळा तयार करून व्यावसायिक वापर सुरू होता. (illegal shop Seal from Encroachment Department nashik news)
महापालिकेकडून याबाबत कुठलीही परवानगी घेण्यात आलेली नव्हती. तक्रार प्राप्त झाल्याने नगररचना विभागाकडून माहिती घेऊन खात्री करण्यात आली. फ्लॅटच्या जिन्याजवळ अनधिकृत गाळा तयार केल्याचे आढळून आले.
शुक्रवारी उपायुक्त नितीन नेर यांच्या आदेशाने विभागीय अधिकारी योगेश रकटे आणि राजाराम जाधव यांच्या मार्गदर्शनात नगररचना विभागाचे अभियंता श्री. जोपुळे अतिक्रमण विभागाचे लिपिक विनायक जाधव, पश्चिम विभागाचे अतिक्रमण विभाग प्रमुख प्रवीण बागूल तसेच अतिक्रमण पथक यांच्याकडून कारवाई करत भद्रकाली टाकसाळ लेन येथील कटारिया यांचे अनधिकृत गाळा सील करण्यात आले.
पोलिसांच्या उपस्थितीत पूर्व आणि पश्चिम विभागाकडून कारवाई करण्यात आली. सकाळी १० ते दुपारी ४ पर्यंत कारवाई सुरू होती. गळा सील करण्यापूर्वी प्रथम फ्लॅटमधून असलेला जिना प्लायवूड ठोकून गळ्यातील मार्ग बंद करण्यात आला. त्यानंतर बाहेरून गाळा सील करण्यात आला. नगररचना विभागाकडून पुढील कारवाई करण्यात येणार असल्याची माहिती यावेळी देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
