Nashik Crime News : आंबोली रस्त्यावर गुटख्याची अवैध वाहतूक करणारा कंटेनर ग्रामीण पोलीस व उत्पादन शुल्क विभागाच्या अधिकाऱ्यांनी सापळा रचून पकडला आहे यात सुमारे सत्त्याऐंशी लाखांचा गुटखा हस्तगत करण्यात आला आहे.
नाशिक जिल्हा ग्रामीण पोलीस अधीक्षक शहाजी उमाप यांच्या मार्गदर्शनानुसार गुटखाविरोधी अभियान जिल्ह्यात सुरू आहे. त्यातून ही कारवाई करण्यात आली आहे. (Illegal tobacco worth 87 lakh seized in Trimbakeshwar Amboli road nashik crime news)
नाशिक ग्रामीण पोलिसांनी सहा जून पासून जिल्हाभरात गुटखा विरोधी अभियान सुरु केले आहे. सदरच्या कारवाई दरम्यान पान टपऱ्या, गोडावून,दुकाने व इतर अस्थापणांची कसून तपासणी सुरु आहे. याच दरम्यान गुरुवारी २२ रोजी गुटख्याच्या आणखी एक कंटेनर ग्रामीण पोलिसांनी पकडला आहे.
त्यातून सुमारे सत्त्याऐंशी लाख रुपयांचा गुटखा हस्तगत करण्यात आला आहे. गुटख्याने भरलेला कंटेनर दिल्ली येथून मुंबई-आग्रा रोडने त्र्यंबकेश्वर,जव्हार, मोखाडामार्गे भिवंडी येथे जात होता.
हेही वाचा : Credit Card फसवणूक....काय घ्याल काळजी?
प्रवासादरम्यान त्र्यंबकेश्वर रस्त्यावरील आंबोली टी पॉईंट येथे ग्रामीण पोलीस व उत्पादन शुल्क विभागाच्या अधिकाऱ्यांनी सापळा रचून कंटेनर पकडला आहे.
त्यात रुपये ८७,३८,१००/- लाखांचा एस एच के नावाचा गुटखा मिळून आला आहे. कलम ३२८,१८८,२७२,२७३भादवि नुसार पोलीस उपनिरीक्षक अश्विनी टिळे यांच्या फिर्यादीनुसार गुन्हा नोंद करण्यात आला असून पोलीस निरीक्षक रामकृष्ण जगताप यांच्या मार्गदर्शनाखाली त्र्यंबकेश्वर पोलीस यंत्रणा तपास करत आहे. पोलिसांच्या कारवाईनंतर त्र्यंबकेश्वर सह नाशिक जिल्ह्यात स्वागत करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
