सबस्क्राईब करा
पंचवटी (जि. नाशिक) : नाशिक बाजार समितीत मागील वर्षी एप्रिल ते डिसेंबर २०२१ मध्ये ११ कोटी ९३ हजार नऊशे ९० रुपये उत्पन्न झाले होते. एप्रिल ते डिसेंबर २०२२ या महिन्यात १४ कोटी ३९ लाख १० हजार ४०३ उत्पन्न झाले. मागील वर्षीच्या तुलनेत गतवर्षी ३ कोटी ३० लाख १७ हजार ३१२ रुपयांनी वाढ झाली.
तसेच, १ कोटी ६६ लाख ५६ हजार ३० रुपये इतकी खर्चात कपात केली, असे एकूण ४ कोटी ९६ लाख ७३ हजार ३४४ रुपये उत्पन्न वाढ झाल्याची माहिती नाशिक बाजार समितीचे प्रशासक फयाज मुलाणी यांनी दिली. (income of Nashik Market Committee increased by 4 crore 96 lakhs compared to last year nashik news)
नाशिक मुख्य मार्केट यार्डात गाळ्यांच्या उत्पन्नात २४ लाख १५ हजार ६४१ रुपयांनी वाढ झाली. तर पेठ रोड मार्केट यार्डात १५ लाख ११ हजार ८३४ रुपयांनी वाढ झाली. तर इतर ५१ लाख २८ हजार ९०६ रुपये उत्पन्न झाले आहे. फ्रूट मार्केटमध्ये प्रतिदिन वसुलीत वाढ झाली आहे. तसेच मुख्य मार्केट यार्डच्या प्रवेशद्वारावर होणारी बाजार शुल्काची वसुलीदेखील वाढली आहे.
एफसीआयकडे थकीत असलेली बाजार फी ४१ लाख ३६ हजार ६०४ रुपये पत्रव्यवहार करत वसूल केले. पेठ रोड येथील पक्के गाळे तसेच पंचवटी मार्केट यार्ड येथील पक्के व पत्र्यांचे गाळे यांचे थकीत असलेले भाडे वसुल करण्यासाठी आदेश कर्मचाऱ्यांना करण्यात आलेले आहेत.
बाजार समितीच्या खर्चात कपात करत १ कोटी ६६ लाख ५६ हजार ३० रुपये करण्यात आलेली आहे. अनावश्यक खर्चावर आळा घातला असून, कर्मचारी पगार, स्वच्छता, सुरक्षा या व्यतिरिक्त अन्य कोणताही खर्च केला जात नसल्याचे मुलाणी यांनी सांगितले.
शासकीय देणी दिली
प्रशासकपदाचा कार्यभार स्वीकारल्यानंतर कृषी पणन मंडळाची बाजार समितीकडे असलेली मागील थकीत असलेली अंशदानाची सुमारे ६३ लाख ९९ हजार ९२३ रुपये व चालू अंशदान ८१ लाख २३३ रुपये अशी एकूण १ कोटी ४५ लाख १५६ रुपये पणन मंडळास अदा केली आहे.
तसेच शासनाची फी ६१ लाख ६९ हजार ९२० रुपये व टीडीएस रक्कम ८१ हजार रुपये असे एकूण २ कोटी ७० लाख ७९ हजार २३६ रुपये शासनास अदा करण्यात आली आहे.
सिक्युरिटी खर्चात कपात
बाजार समितीची सिक्युरीटी एजन्सीचा कालावधी डिसेंबर २०२२ मध्ये संपुष्टात आल्याने सिक्युरीटी सेवा बंद केली. बाजार समितीमध्ये कार्यरत असलेले शिपाई व पहारेकरी यांच्या कामकाजाचे नियोजन करून त्यांच्याकडूनच कामे करून घेतली आणि दरमहा सिक्युरिटीवर होणारा एकूण खर्च ७ लाख ७२ हजार ३१० रुपये इतका कमी केला,२०२३ च्या अखेरीस ९२ लाख ६७ हजार ७२० रुपये बचत झाली.
उपक्रम राबविले
प्रशासक फयाज मुलाणी यांनी मागील वर्षी मार्च महिन्यात पदभार स्वीकारला. बाजार समितीतील सचिव अरुण काळे, सहायक सचिव एन. एल. बागूल, पी. एन. घोलप, अभियंता रामदास रहाडे, सॅनिटरी निरीक्षक व कर्मचारी यांना समवेत घेतले.
नाशिक बाजार समितीत नेत्र तपासणी, सर्वरोग निदान शिबिर, एड्स जनजागृती पथनाट्य, सीमा शुल्क पथनाट्य घेतले. हे सर्व बाजार घटकांसाठी उपक्रम राबविले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
