जुने नाशिक : घराचे दार उघडे असल्याची संधी साधत अज्ञात संशयितांनी घरातून दोन मोबाईल सोन्या- चांदीचे दागिने तसेच रोख रक्कम असा ३३ हजारांचा ऐवज लंपास (Robbery) केला. (Jewellery mobile cash looted from home nashik Latest Crime News)
भद्रकाली पोलिस ठाण्यात रुकसाना पठाण यांच्या तक्रारीवरून गुन्हा दाखल करण्यात आला. बागवानपुरा येथील रुकसाना पठाण यांच्या घरात शुक्रवार (ता. १५) सकाळी चोरी झाल्याची घटना घडली.
पठाण कुटुंबीय झोपेत असताना घराचे दार उघडे असल्याची संधी साधत चोरट्यांनी घरातील बेडरूममध्ये ठेवण्यात आलेले दोन मोबाईल, मिनी पर्समध्ये ठेवलेले सोन्या चांदीचे दागिने आणि तीन हजाराची रोख रक्कम असा ३३ हजारांचा ऐवज चोरून नेला.
सकाळी मोबाईलचा अलार्म वाजला नाही. म्हणून रुकसाना यांनी उठून पाहिले असता चोरी झाल्याचा प्रकार लक्षात आला. त्यानंतर त्यांनी भद्रकाली पोलिसांशी संपर्क साधत घडलेल्या प्रकाराची माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
