नाशिक : अवघ्या काही दिवसांवर गणेशोत्‍सव येऊन ठेपला असून, सर्वत्र उत्‍साहाचे वातावरण बघायला मिळतेय. उत्‍सवानिमित्त भाविकांकडून बाप्पाप्रति विविध पद्धतीने प्रेमभाव व्‍यक्‍त केला जातोय. युवा कलाकार वैष्णवी कानोजे हिनेदेखील आपल्‍या कल्‍पकतेतून बाप्पाचे अनोखे रुप साकारले आहे. तिने चक्‍क दहा रुपयांच्‍या नाण्यांवर लालबागच्‍या राजाचे मनमोहक रुप साकारले आहे. (Lalbaugcha Raja ganesh idol painted on Rs 10 coin by young artist vaishnavi kanoje nashik news)
मुळची यवतमाळ येथील वैष्णवी विनोद कानोजे हिने कला क्षेत्रातील शिक्षण मुंबई आणि नाशिक येथून झाले. आपल्‍यातील कलेच्‍या माध्यमातून बाप्पांप्रती भक्तिभाव व्‍यक्‍त करण्यासाठी तिने चक्‍क दहा रुपयांच्‍या नाण्यांवर लालबागच्‍या राजाचे चित्र रेखाटलेले आहे.
नाण्याचा आकार एक इंच असून, वैष्णवीला बाप्पांचे चित्र साकारण्यात अवघे ४८ मिनीट लागले. वेगवेगळ्या रंगसंगतीचा वापर करताना तिने लालबागच्‍या राजाची प्रतिकृती या दहा रुपयांच्‍या नाण्यांवर साकारली आहे.
"नाण्यांवर बाप्पाचे रुप साकारण्याची संकल्‍पना सुचली. दहा रुपयांच्‍या नाण्यांवर अवघ्या ४८ मिनिटांमध्ये लालबागच्‍या राजाचे रुप साकारले. कलेच्‍या माध्यमातून गणेशोत्‍सवात गणपती बाप्पांप्रती भक्तिभाव व्‍यक्‍त करण्याचा हा प्रयत्‍न केला." -वैष्णवी कानोजे, युवा कलावंत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
