Life In Balance : रंजले, गांजल्यांच्या मुखी पडो दोन घास! दिव्यांग, वयोवृद्धांना मोफत जेवण देणारे हॉटेल

Life In Balance : जिंदगाणीचा गाडा हाकताना दिव्यांग, वयोवृद्धांच्या वाटेला बऱ्याच हालअपेष्टा येतात. अनेकांना एकवेळच्या जेवणाची भ्रांत असते. एकीकडे अन्नाची नासाडी, तर दुसरीकडे भाकरीच्या तुकड्यांसाठी तुटणारे जीव हे आजच्या समाजाचे विदारक चित्र बनत चालले आहे. (Life In Balance Hotel celebrita providing free food to disabled senior citizens nashik news) .अशातच बेरोजगार दिव्यांग, एकाकी, निराधार वयोवृद्ध, अनाथ मुलांची अन्नावाचून होणारी परवड हृदयद्रावक असते. भुकेने मृत्युमुखी पडल्याच्या घटना नेहमी कानावर आदळत असतात, वाचनात येत असतात. दिव्यांग, वयोवृद्ध, लहान मुलांच्या मुखात दोन घास पडून त्यांची क्षुधा शांत व्हावी, हा मानवतावादी दृष्टिकोन डोळ्यांसमोर ठेवून नाशिक रोड येथील एका तारांकित हॉटेलने खास दिव्यांग, वयोवृद्ध, लहान मुलांसाठी मोफत जेवणाची व्यवस्था करून त्यांच्या भाकरीच्या चंद्राचा शोध थांबविला आहे. एवढेच नव्हे, तर अंथरुणाला खिळलेल्या, निराधार वयोवृद्धांसाठी घरपोच जेवण देण्याचीही व्यवस्था केली आहे. त्याचबरोबर महाराष्ट्रात कुठेही एकल, निराधार, अंथरुणाला खिळलेल्या वयोवृद्धांच्या जेवणाची व्यवस्था मार्गी लावण्याचा विडा उचलला आहे.तसेच निराधारांसाठी अन्नछत्र बऱ्याच सामाजिक संस्था, दानशूरांकडून चालविल्या जातात. पण एका मोठ्या हॉटेलने असा सामाजिक उपक्रम राबविणे दुर्मिळच म्हणावे लागेल. नाशिक-पुणे महामार्गावर एकरभर जागेत असलेल्या व्हिंटेज टाइप सेलेब्रिटा हॉटेलमध्ये खास दिव्यांग, वयोवृद्ध, लहान मुलांची दुपारच्या जेवणाची व्यवस्था मार्गी लावली आहे. हॉटेलच्या प्रवेशद्वारावरच तसा बोर्ड लावण्यात आला आहे. बऱ्याचदा उरलेले अन्न वाया जाऊ नये म्हणून ते गोरगरिबांना दिले जाते. यात तसे काही वाईटही नाही. पण सेलेब्रिटा हॉटेलमध्ये दिव्यांग, वयोवृद्धांना ताजे जेवण दिले जाते. त्याचबरोबर जे वृद्ध निराधार आहेत, ज्यांना मुले सांभाळत नाहीत, अंथरुणाला खिळलेले आहेत, अशांना त्यांच्या घरी जेवणही हॉटेलकडून मोफत घरपोच केले जाते. हेच नाही, तर महाराष्ट्रात कुठेही असे वयोवृद्ध असतील तर तेथील चांगल्या हॉटेल, खानवळीमार्फत त्यांच्या जेवणाची व्यवस्था हॉटेलकडून केली जाते. हा खर्चही सेलेब्रिटा हॉटेल उचलते. सगळीकडे नफेखोरी बोकाळली असताना, नफा-तोट्याचा विचार न करता सेलेब्रिटा हॉटेलने सुरू केलेला उपक्रम निश्चितच प्रेरणादायी व कौतुकास पात्र आहे.हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत.Humanity : भुकेलेल्यांना अन्न, हाच माणुसकीचा धर्म! नाशिकमधील हॉटेलचा उपक्रम.गरजूंनी येथे करावा संपर्कराज्यभर कुठेही निराधार, अंथरुणाला खिळलेले वयोवृद्ध असतील त्यांनी ९८२२७ ५३२१२ या मोबाईल क्रमांकावर संपर्क साधावा. अशा गरजूंच्या एकवेळच्या जेवणाची व्यवस्था हॉटेल व्यवस्थापनाकडून मोफत केली जाणार आहे."दिव्यांग, वयोवृद्ध, लहान मुलांच्या जेवणाची दुपारी एक ते तीन, या वेळेत मोफत व्यवस्था आहे. याचा गरजूंनी लाभ घ्यावा. याचबरोबर महाराष्ट्रात कुठेही निराधार, अंथरुणाला खिळलेले वयोवृद्ध असतील त्यांच्याही जेवणाची व्यवस्था घरपोच केली जाणार आहे.'- अतुल मलानी, मालक, हॉटेल सेलेब्रिटाक्षुधेलिया अन्न ! दयावे पात्र न विचारून !!धर्म आहे वर्मा अंगी ! कळले पाहिजे प्रसंगी !!द्रव्य आणि कन्या ! येथे कुळ कर्म शोधण्या !!तुका म्हणे पुण्य गांठी ! तरीच ऊचिताची भेटी !!संत तुकोबारायांनी आपल्या अभंगात अन्नदानाचे महत्त्व स्पष्ट करून दान धर्मापेक्षा भुकेलेल्यांना केलेले अन्नदान हे कधीही चांगलेच असल्याचे म्हटले आहे. तुकोबाराया म्हणतात, गरजू असलेल्या व्यक्तीचे पोट भरावे.अन्नदान करताना तो कोण आहे, हे विचारू नये, पाहू नये. त्याचे पात्र विचारू नये, यातच खरा धर्म आहे. भुकेलेल्यांना केलेले अन्नदान म्हणजेच खऱ्या धर्माचे वर्म होय. हे वेळप्रसंगी माणसाला कळले पाहिजे. तुकोबाराय भुकेल्या व्यक्तीला पोटभर जेऊ घालणे, हाच धर्म असल्याचे सांगतात..Gas Price Reduction : घरगुती पाइप, गॅस व सीएनजीच्या किमतीत या जिल्ह्यांत कपात!.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Life In Balance : रंजले, गांजल्यांच्या मुखी पडो दोन घास! दिव्यांग, वयोवृद्धांना मोफत जेवण देणारे हॉटेल

Related Stories