दहा प्रमुख उत्सवांसाठी रात्री १२ पर्यंत लाऊडस्पीकरला परवानगी!

नाशिक : केंद्रीय पर्यावरण मंत्रालयाच्या आदेशान्वये ध्वनिक्षेपक (loudspeaker) वापराबाबत सूट जाहीर करण्यासाठी राज्य सरकारने (state government) जिल्हाधिकाऱ्यांना प्राधिकृत केले आहे. या पार्श्वभूमीवर वर्षात जास्तीत जास्त १५ दिवस निश्चित करून सकाळी सहापासून ते रात्री बारापर्यंत लाऊडस्पीकर वाजविण्याची मुभा देण्यात आली आहे

दहा प्रमुख उत्सवांसाठी रात्री बारापर्यंत ध्वनिक्षेपक परवानगी

केंद्रीय पर्यावरण मंत्रालयाच्या ध्वनिप्रदूषण नियमन व नियंत्रणाच्या सुधारित नियमानुसार ध्वनिक्षेपक व ध्वनिवर्धक वापराबाबत श्रोतेगृहे, सभागृहे, सामूहिक सभागृहे आणि मेजवानी कक्ष यांसारख्या बंदिस्त जागांव्यतिरिक्त इतर ठिकाणी जिल्ह्याच्या गरजेनुसार वर्षात जास्तीत जास्त १५ दिवस निश्चित करून सकाळी सहापासून ते रात्री बारापर्यंत मुभा देण्यात आली आहे. यानुसार जिल्हास्तरावर २०२२ या वर्षातील ध्वनीची विहित मर्यादा राखून सण-उत्सवांच्या काळात दहा दिवसांसाठी रात्री बारापर्यंत ध्वनिक्षेपक व ध्वनिवर्धक सुरू ठेवता येणार आहे. त्यानुसार जिल्ह्यात १ जानेवारी ते ३१ डिसेंबर २०२२ या वर्षातील जिल्ह्यातील दहा प्रमुख उत्सवांसाठी ध्वनीची विहित मर्यादा राखून सकाळी सहापासून ते रात्री बारापर्यंत लाऊडस्पीकर्स वाजविण्याची मुभा असल्याची माहिती जिल्हाधिकारी सूरज मांढरे यांनी दिली

वर्षातील दहा उत्सव असे

छत्रपती शिवाजी महाराज जयंती उत्सव १९ फेब्रुवारी २०२२

डॉ. बाबासाहेब आंबेडकर जयंती उत्सव १४ एप्रिल २०२२

गणपती उत्सव ८ सप्टेंबर २०२२

नवरात्रोत्सव उत्सव (दुर्गाष्टमी) ३ ऑक्टोबर २०२२

नवरात्रोत्सव उत्सव (दसरा) ५ ऑक्टोबर २०२२

ईद-ए-मिलाद ९ ऑक्टोबर २०२२

दिवाळी (लक्ष्मीपूजन) २४ ऑक्टोबर २०२२

ख्रिसमस नाताळ २५ डिसेंबर २०२२

नववर्ष स्वागत ३१ डिसेंबर २०२२