Nashik News: LTT - मुझफ्फरपूर विशेष ट्रेन

नाशिक रोड : प्रवाशांची गर्दी लक्षात घेऊन मध्य रेल्वे मुंबई एलटीटी ते मुझफ्फरपूर दरम्यान चार विशेष साप्ताहिक अतिजलद ट्रेन सेवा चालवणार आहे.

ही ट्रेन (०५२८२) एलटीटीहून २३ आणि ३० डिसेंबरला २१ वाजता सुटेल आणि तिसऱ्‍या दिवशी मुझफ्फरपूर येथे चार वाजता पोचेल. (LTT Muzaffarpur Special Train Nashik News)

मुझफ्फरपूरहून परतीची ट्रेन (०५२८१) २२ आणि २९ डिसेंबरला १३ वाजता सुटेल. दुसऱ्या दिवशी १९ वाजता एलटीटी येथे पोचेल.

कल्याण, इगतपुरी, नाशिक रोड, मनमाड, भुसावळ, खांडवा, इटारसी, जबलपूर, कटनी, सतना, माणिकपूर, प्रयागराज छिवकी जंक्शन, बक्सर, आरा, दानापूर, पाटलीपुत्र, हाजीपूर येथे ती थांबेल.