Dasara 2023 : विजयादशमी पार्श्वभूमीवर झेंडूची आवक मोठ्या प्रमाणावर असून, जिल्ह्यासह पुणे जिल्ह्यातूनही विक्रेते, व्यापारी दाखल झाल्याने भाव घसरले असल्याची स्थिती आहे.
विजयादशमीला पूजेसह हार बनविण्यासाठी झेंडूच्या फुलांना मोठी मागणी असते. सोमवारी (ता. २३) सकाळपासूनच गंगाघाट, गौरीपंटागणावर व्यापारी, विक्रेत्यांनी गर्दी केली होती. (Marigold prices drop on Vijayadashami due to increased arrivals nashik)
यंदा पावसाने दडी मारल्याने तसेच, अवेळी पडलेल्या पावसामुळे अळी पडून शेतकऱ्यांचे मोठे नुकसान झाले आहे. त्याचाही फटका शेतकऱ्यांना बसला असून भाव घसरले आहे. गत वर्षाच्या तुलनेत यंदा फुलांना भाव कमी असल्याची स्थिती आहे.
पुणे जिल्ह्यातील खेड, मंचर, नारायणगावसह नाशिक जिल्ह्यातील कळवण, मालेगाव, निफाड, दिंडोरी तालुक्यातील शेतकऱ्यांनी फूल विक्रीसाठी आणल्याने आवक मोठी आहे.
असे आहे दर
झेंडूची फुले : ५० ते ७० रुपये शेकडा
एक क्रेट : २०० रुपये
हार : लहान- ४०, मोठे हार- ७० ते शंभर रुपये
शेवंती फुले : १०० रुपये किलो
"विजयादशमीला झेंडूच्या फुलांना मोठी आवक आहे. झेंडूची फुले ५० रुपये शेकड्याने विकली जात असून दोनशे रुपये क्रेटचा भाव आहे. शेवंतीची फुले शंभर रुपये किलोने विक्री होत आहे."
- रघुनाथ लहाने, शेतकरी, मोहमुख (ता. कळवण)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
