वणी (जि. नाशिक) : लखमापूर (ता. दिंडोरी) येथे पती, सासू व सासऱ्याने विवाहितेचा छळ (harassment) करून तिला आत्महत्येस (Suicide) प्रवृत्त केल्याची तक्रार वणी पोलिसांत दाखल झाली असून, पतीसह तिघांना पोलिसांनी अटक केली आहे. (Married women Suicide 3 arrested Nashik Latest Crime News)
विवाहितीचेे वडील यादव चंद्रकांत वाघमारे (वय ४५, रा. देवळी कराड, ता. कळवण) यांनी दिलेल्या फिर्यादीत म्हटले आहे, की काजल पवार (वय २३, रा. हतगड, ह.मु. लखमापूर) हिचा तुषार अर्जुन पवार याच्याशी विवाह झाला होता. विवाहानंतर सासरच्यांनी महिनाभर चांगले वागविले.
नंतर लग्नात मानपान दिला नाही, लग्न चांगले केले नाही, असे वेळोवेळी टोमणे मारत काजल हिचे जगणे असह्य केले. वेळोवेळी झालेल्या त्रासामुळे काजलने राहत्या घरी नायलाॕनच्या दोरीने गळफास घेऊन जीवनयात्रा संपविली. काजलच्या मृत्यूस पती तुषार पवार, सासरे अर्जुन पवार, सासू मृणालिनी पवार (सर्व रा. हतगड, ता. सुरगाणा) हे जबाबदार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
