MGNREGA Workers Strike : रोहयो कंत्राटी कर्मचाऱ्यांचे जिल्ह्यात कामबंद आंदोलन; कामे झाली ठप्प

बाणगाव बुद्रुक, नांदगाव (जि. नाशिक) : तालुक्यातील मनरेगा विभागाच्या कंत्राटी‎ कर्मचारी संघटनेने आपल्या विविध‎ मागण्यासाठी काम बंद आंदोलन सुरू केले‎ आहे. या आंदोलनाला महाराष्ट्र राज्य ग्रामरोजगार सेवक संघटना आयटकने पाठिंबा दिला आहे.

महात्मा गांधी रोजगार हमी योजने‎ अंतर्गत कंत्राटी तत्त्वावर कार्यरत कर्मचारी,‎ सहाय्यक कार्यक्रम अधिकारी, तांत्रिक‎ सहाय्यक, डाटा एन्ट्री ऑपरेटर, लिपिक‎ आदींचा या आंदोलनात सहभाग आहे.‎ (MGNREGA Workers Strike contract workers strike in district Works stopped Nashik)

बुधवारपासून‎ बेमुदत संपावर जाण्याचा इशारा या‎ आंदोलनकर्त्यांनी दिला होता. ‎रोहयो कंत्राटी कर्मचारी दहा ते बारा वर्षापासून‎ अखंडपणे मनरेगाची कामे करीत आहे. आपल्या प्रलंबित मागण्यांसाठी‎ या कर्मचाऱ्यांनी १८ जानेवारी रोजी राज्यभर एक‎ दिवसीय संप केला होता.

मागण्या पूर्ण न झाल्याने आता‎ लेखणी बंद व ऑनलाइन अहवालाची सर्व‎ कामे बंद करण्याचा निर्णय घेण्यात आला‎ आहे. यासंदर्भात वेळीच ठोस पावले न उचलण्याने बुधवार १ फेब्रुवारीपासून‎ बेमुदत संप पुकारला आहे. कर्मचाऱ्यांच्या संपात विविध कर्मचारी संघटनांचा‎ या आंदोलनात सहभागी झाले आहे.

हेही वाचा : 'पठाण'..आणि २०२३ मधले बाॅलीवूड..कसे असतील दिवस

या बेमुदत काम आंदोलनामुळे राज्यभरात रोहयोची कामे ठप्प झाली आहे.‎ महात्मा गांधी राष्ट्रीय ग्रामीण रोजगार हमी‎ योजनेतील कंत्राटी कर्मचाऱ्यांना समान काम‎ समान वेतन लागू करण्यात यावे व ‎मनरेगाची स्वतंत्र यंत्रणा तयार करून कार्यरत‎ कंत्राटी कर्मचाऱ्यांचे आकृतिबंधात समायोजन‎ करण्यात यावे, पश्चिम बंगालच्या धर्तीवर मानधन‎ देण्यात यावे, योजनेतील सर्व कंत्राटी कर्मचाऱ्यांना‎ राज्य निधी असोसिएशन मध्ये नियुक्ती देण्यात यावी.‎

तसेच ग्रामरोजगार सेवकांच्या प्रलंबित मागण्या पूर्ण‎ करण्यात याव्यात, या मागण्यांसाठी हे आंदोलन‎ करण्यात आले आहे.

या आंदोलनात पंचायत समिती‎ मधील मनरेगा कर्मचारी तुषार बागूल दादा जाधव, सागर घुगे, विवेक देशमुख, विकास राऊत, मंगेश देशमुख, विष्णू महाले आदी सहभागी झाले आहे.