नाशिक : तपोवनातील नवीन शाही मार्गावरील नव्याने बांधलेल्या स्वामिनारायण मंदिरात शुक्रवारी (ता. २०) दुपारी बाराच्या सुमारास चार अतिरेकी शिरल्याचा निनावी फोन आडगाव पोलिस ठाण्यात खणखणतो.
त्यानंतर अवघ्या काही मिनिटांत मंदिराला पोलिसांचा वेढा पडतो. त्यानंतर सुरक्षा पथक व अतिरेक्यांत दोन तास चाललेल्या तुफान धुमश्चक्रीनंतर पोलिसांनी चारही अतिरेक्यांचा खातमा केल्याने उपस्थित सर्वांचाच जीव भांड्यात पडतो. (militants enter BAPS Swaminarayan Temple mockdrill by city police Nashik News)
गतवर्षी लोकार्पण झालेले स्वामिनारायण मंदिर भाविकांना चांगलेच भावले असून मंदिर बघण्यासाठी व दर्शनासाठी मोठी गर्दी उसळत आहे. आगामी सण- उत्सवांच्या काळात या गर्दीत मोठी वाढ होण्याची शक्यता आहे. सुरक्षिततेचा आढावा घेण्यासाठी पोलिसांनी मॉकड्रील केले.
कारवाईत तब्बल दिडशे पोलिस अधिकारी व कर्मचाऱ्यांनी सहभाग घेतल्याचे पोलिस उपायुक्त किरणकुमार चव्हाण यांनी सांगितले.
पोलिस उपायुक्त परिमंडळ एक किरणकुमार चव्हाण, चंद्रकांत खांदवे, प्रशांत बच्छाव, सहाय्यक आयुक्त वसंतराव मोरे, सीताराम गायकवाड, अंबादास भुसारे, आडगाव पोलिस ठाण्याचे वरिष्ठ निरिक्षक विजय ढमाले, मध्यवर्ती गुन्हे शाखा डॉ. मदगुल, नीलेश माईनकर यांच्यासह चार वरिष्ठ पोलिस निरिक्षक, शंभर पोलिस कर्मचारी, अग्निशामक दल, बीडीडीएस व्हॅन, शीघ्रकृती दल, जलद प्रतिसाद पथक, श्वान पथक, ॲम्बुलस, पोलिस व्हॅन सहभागी झाले.
"या मॉकड्रीलमध्ये दीडशे अधिकारी व कर्मचाऱ्यांनी सहभाग घेतला. आगामी सण- उत्सव निर्धोक पार पडावेत, यासाठी हे मॉकड्रील घेण्यात आले."
- किरणकुमार चव्हाण, पोलिस उपायुक्त, परिमंडळ एक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
