Chhagan Bhujbal : गणेशोत्सवाच्या पार्श्वभूमीवर राज्य शासनाच्या पुरवठा विभागातर्फे राज्यातील एक कोटी ५७ लाख आनंदाचा शिधा संचवाटप करण्यात येणार आहे.
यात प्रत्येक लाभार्थ्याला आनंदाचा शिधा मिळेल, त्यापासून कोणीही लाभार्थी वंचित राहणार नाही, याची दक्षता अधिकऱ्यांनी घ्यावी, असे निर्देश अन्न, नागरी पुरवठा व ग्राहक संरक्षणमंत्री छगन भुजबळ यांनी शुक्रवारी (ता. ८) येथे दिले. (Minister Chhagan Bhujbal statement Dont deprive beneficiaries of anandacha shidha nashik)
येथील महात्मा फुले नाट्यगृहात आनंदा शिधा वाटपाचा प्रारंभमावेळी ते बोलत होते. पुरवठा विभागाच्या उपायुक्त प्रज्ञा बढे-मिसाळ, जिल्हा पुरवठा अधिकारी रमेश मिसाळ, प्रांताधिकारी बाबासाहेब गाढवे आदी उपस्थित होते. १५० लाभार्थ्यांना आनंदाचा शिधावाटप करण्यात आला. नव्याने ५०० शिधापत्रिका वितरित करण्यात आल्या.
मंत्री भुजबळ म्हणाले, की गणेशोत्सवाच्या पार्श्वभूमीवर राज्यातील साधारण ७ कोटी जनतेला या शिधाचा लाभ होणार आहे. जिल्ह्यातील साधारण सात लाख ७८ हजार लाभार्थ्यांना शिधा संचवाटप करण्यात येणार आहे.
शिधा संचात एक किलो रवा, एक किलो चना डाळ, एक किलो साखर व एक लिटर खाद्यतेल या चार जिन्नसांचा समावेश आहे. हा संच प्रतिशिधापत्रिकाधारका ई-पॉस प्रणालीद्वारे १०० रुपयांत दिला जाणार आहे.
हेही वाचा : Credit Card फसवणूक....काय घ्याल काळजी?
राज्यातील गोर गरीब जनतेला लाभ मिळवून देण्यासाठी शासन सातत्याने प्रयत्नशील आहे. तालुक्यात १४० स्वस्त धान्य दुकानांच्या माध्यमातून दारिद्र्यरेषेखालील, पिवळे, केसरी शिधापत्रिकाधारकांना आनंदाचा शिधा संचांचे वाटप होणार आहे.
तालुक्यातील अंत्योदय योजनेतून ९ हजार ५८६ व प्राधान्य योजनेतून २८ हजार ४१४, अशा साधारण ३८ हजार लाभार्थ्यांना या शिधा संचाचा लाभ होणार आहे.
ओबीसींसाठी राज्यात १२ लाख घरे बांधण्यात येणार असून, त्‍यासाठी केंद्र व राज्य शासनातर्फे १२ हजार कोटी रुपयांचा निधी मंजूर करण्यात आला असल्याचे त्यांनी सांगितले.
मुख्याधिकारी किरण देशमुख, तहसीलदार आबा महाजन, नायब तहसीलदार निरांजना पराते, स्वीय सहाय्यक बाळासाहेब लोखंडे, विधानसभा अध्यक्ष वसंत पवार, शहराध्यक्ष दीपक लोणारी, मकरंद सोनवणे, बाळासाहेब गुंड, नवनाथ काळे, समता परिषदेचे जिल्हाध्यक्ष प्रा. ज्ञानेश्वर दराडे यांच्यासह अधिकारी व पदाधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
