Nashik Crime : मोबाईल चोर ताब्यात; पंचवटी गुन्हे शोध पथकाची कामगिरी

Nashik Crime : मोबाईल चोरट्यास ताब्यात घेण्यास पंचवटी गुन्हे शोध पथकास यश मिळाले आहे. या संशयिताकडून चार चोरीचे मोबाईल हस्तगत करण्यात आले आहे.

या प्रकरणी पंचवटी पोलिस ठाण्यात तक्रार दाखल करण्यात आली असून अधिक तपास पोलिस नाईक मालसाने करीत आहेत. (Mobile thief arrested by police nashik crime news)

याबाबत अधिक माहिती अशी की, पोलिस आयुक्त अंकुश शिंदे यांनी शहरातील मोबाईल चोरीचे गुन्हे उघडकिस आणणे बाबत आदेशित केले होते.

त्याअनुषंगाने मोबाईल चोरांचा शोध घेत असतांना पंचवटी गुन्हे शोध पथकाचे सहायक पोलिस निरीक्षक रोहित केदार व कर्मचारी यांना गुप्त बातमीदारामार्फत बातमी मिळाली की, मोबाईल चोरी करणारा एक संशयित गंगाघाट येथे येणार असल्याचे समजले.

त्यानुसार सापळा रचून गोदाघाट परिसरातून संशयित ओम सचिन पलबळकर (वय १९ वर्ष, नवदुर्गा चाळ, नवनाथ नगर, पेठ रोड, नाशिक) ताब्यात घेतले. या संशयिताने पंचवटी पोलिस ठाणे हद्दीत मोबाईल चोरी केले असल्याची कबुली दिली.

हेही वाचा : Credit Card फसवणूक....काय घ्याल काळजी?

याचे कडून एक समसुंग,दोन रिअल मी, एक वीवो कंपनीचा मोबाईल असे चार मोबाईल एकुण अठ्ठेचाळीस हजार रुपयांचे रुपयांचा मुद्देमाल हस्तगत करण्यात आला.

सदरची कामगिरी पोलिस अंकुश शिंदे, पोलीस उपायुक्त (गुन्हे) प्रशांत बच्छाव, परिमंडळ एकचे पोलिस उपायुक्त किरणकुमार चव्हाण, पंचवटी विभागाचे सहायक पोलीस आयुक्त नितीन जाधव, सहा. पोलीस आयुक्त, पंचवटी पोलिस ठाण्याचे वरिष्ठ पोलिस निरीक्षक अनिल शिंदे, वरिष्ठ पोलीस निरीक्षक (गुन्हे) जितेंद्र सपकाळे, पोलीस निरीक्षक (प्रशासन) बगाडे यांचे मार्गदर्शनाखाली गुन्हे शोध पथकाचे सहायक पोलिस निरीक्षक रोहित केदार, मिथुन परदेशी, सहायक पोलिस उपनिरीक्षक अशोक काकड पोलिस हवालदार सागर कुलकर्णी, पोलिस नाईक दिपक नाईक, कैलास शिंदे,महेश नांदुर्डीकर, निलेश भोईर,राकेश शिंदे, पोलिस अंमलदार विष्णु जाधव,संतोष पवार, गोरक्ष साबळे, महाले नितीन पवार, श्रीकांत कर्पे,कैलास वाकचौरे यांनी पार पाडली आहे.