जुने नाशिक : शासकीय ठेकेदाराकडून १७ हजाराची लाच स्वीकारताना वीज वितरणच्या द्वारका उपविभागीय कार्यालयाचे अतिरिक्त कार्यकारी अभियंता संजय मारुती ढानपे यांना लाच लुचपत प्रतिबंधक विभागाकडून अटक करण्यात आली. त्याच्यावर उशिरापर्यंत गुन्हा दाखल करण्याचे काम सुरू होते. अशी माहिती विभागाच्या अधीक्षक शर्मिष्ठा घारगे वालावलकर यांनी दिली.
एका इमारतीच्या साईटवर डीपी बसविणे आणि इमारतीत ४१ इलेक्ट्रिक मीटरची जोडणी देण्यात येणार होती. त्यासाठी स्वतंत्र डीपीची आवश्यकता होती. मीटर आणि डीपीसाठी संशयित संजय ढानपे याने २५ हजार रुपयांची मागणी केली. तडजोडीनंतर १७ हजार रुपये देण्याचे निश्चित झाले. तक्रारदार शासकीय ठेकेदाराने लाचलुचपत प्रतिबंधक विभागाशी संपर्क साधत माहिती दिली. अधीक्षक शर्मिष्ठा वालावलकर यांच्या मार्गदर्शनाखाली पोलिस निरीक्षक मीरा आत्माने, प्रवीण महाजन आणि नितीन कराड यांनी टाकळीरोड तिगरानिया येथील वीज वितरण विभागाच्या कार्यालयात सापळा रचला. याठिकाणी संशयित ढानपे यास १७ हजाराची लाच घेताना ताब्यात घेण्यात आले.
हेही वाचा: शेतमजूर ते कॅनाॅल मॅन...जाणून घ्या एक यशोगाथा....
समाजास लागलेली भ्रष्टाचाराच्या किडीमुळे दिवसेंदिवस लाच घेण्याचे प्रकार वाढतच आहे. नागरिकांनी सतर्क राहून त्यांच्याकडे लाचेची मागणी करणाऱ्यांचा विरोध करून तक्रार दाखल करावी यासाठी अधीक्षक शर्मिष्ठा घारगे वालावलकर यांच्यातर्फे नागरिकांना आवाहन करण्यात आले. कोणत्याही शासकीय अधिकारी, कर्मचारी यांनी किंवा त्यांच्यावतीने अन्य कुणी त्यांच्याकडून कोणतेही शासकीय काम करून देण्यासाठी लाचेची मागणी केल्यास तात्काळ लाच लुचपत प्रतिबंधक विभागाशी संपर्क साधावा. त्यासाठी ०२५३, २५७८२३० क्रमांक किंवा टोल फ्रि क्रमांक १०६४ वर तक्रार करावी.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
