पत्नीच्याही डोक्यात कुऱ्हाडीने वार..अन् स्वत:ही..

नाशिक  : दहेगाव (ता. चांदवड) येथे कौटुंबिक कलहातून एकाने पत्नीच्या डोक्‍यात कुऱ्हाडीने वार करून खून करत स्वत:ही मनमाड-मालेगाव महामार्गावर वाहनाखाली आत्महत्या केली. 

अशी घडली घटना...

नितीन बकाजी कडनोर (वय 42) व सुनीता नितीन कडनोर (37) अशी या दोघांची नावे आहेत. मंगळवारी (ता. 28) सकाळी सुनीता कडनोर दहेगाव शिवारातील लकडे मळा, पाटसरी येथे स्वत:च्या शेतात कांदालागवडीसाठी गेली होती. शेतात रोप उपटत असताना नितीन कडनोर याने अचानक पाठीमागून येऊन तिच्या डोक्‍यात व अंगावर कुऱ्हाडीने वार केले. वर्मी घाव लागल्याने सुनीताचा जागीच मृत्यू झाला. त्यानंतर नितीनने तेथून पळ काढला. मात्र, मोटारसायकलने मनमाड-मालेगाव महामार्गावरून मालेगावकडे जात असताना त्याने मालेगावहून मनमाडकडे येणाऱ्या एका वाहनाच्या समोर दुचाकी घालून आत्महत्या केली. चांदवड पोलिसांना याबाबत माहिती मिळताच पोलिस निरीक्षक हिरालाल पाटील व त्यांच्या सहकाऱ्यांनी घटनास्थळी भेट देऊन पंचनामा केला. त्यानंतर दोन्ही मृतदेह उत्तरीय तपासणीसाठी चांदवडच्या उपजिल्हा रुग्णालयात पाठविण्यात आले. दरम्यान, नितीनच्या मागे वयोवृद्ध आई-वडील, तीन मुली व मुलगा असा परिवार आहे. त्यांची मोठी मुलगी शालेय शिक्षणासाठी मामाकडे आहे. 

क्लिक करा > VIDEO : यमाची काळी सावली पोहोचली पण...आजी अन् नातीची व्यथा..

क्लिक करा > PHOTOS : काही समजण्याच्या आतच..तीस सेकंदात खेळ झाला...अन्‌..​