नारोशंकराची घंटा : आम्ही थांबावं का जावं...?

दिवसभर काम करुन घरी निघालेले नाशिककर जेव्हा शालिमार परिसरात पोचतात तेव्हा त्यांच डोक चक्रावून जात. कारणही तसंच आहे म्हणा... (naroshankarachi ghanta traffic signal problems nashik news)

हेही वाचा : जोखमीचे भान राखूनच करा SIP मध्ये गुंतवणूक

शहरातील शालिमार परिसरातील खडकाळी सिग्नल वाहतूक व्यवस्था राखण्यासाठी तैनात असलेले इलेक्ट्रॉनिक सिग्नल महाशय काहीसा वेगळा अनुभव वाहनधारकांना देत होते. आता सिग्नल लाल आहे म्हटल्यावर थांबलं पाहिजे नाही का..? आणि हिरवा होताच सुसाट घराकडे वळाव... पण हे सिग्नल महाशय तर दोन्ही गोष्टी एकाच वेळी सांगत होते.

त्यामुळे या चौकात उभ्या प्रत्येकाच्या तोंडून आपसूक निघालं ‘अरे या सिग्नलला नेमकं सांगायचंय काय...? आम्ही थांबाव का जाव..? आता हा प्रश्‍न नाशिककरांना दैनंदिन होऊ नये त्यामुळे या सिग्नल महाशयांची तपासणी करुन त्यांच्यावर योग्य ते उपचार तर झालेच पाहीजे...!