Police Recruitment : ग्रामीणच्या भरतीला 228 जणांची दांडी! 1 हजार 565 उमेदवारांची मैदानी चाचणी

Nashik News : आडगाव येथील नाशिक ग्रामीण पोलिस मुख्यालयाच्या मैदानावर सुरू असलेल्या पोलिस भरतीच्या मैदानी चाचणीला शनिवारी (ता. २२) २२८ उमेदवारांनी पाठ फिरविली. २८५ उमेदवार हे मैदानी चाचणी पात्र ठरले आहेत. दरम्यान, गेल्या चार दिवसांत एक हजार ५६५ उमेदवारांची मैदानी चाचणी पूर्ण झाली. (228 candidates absent in ongoing police recruitment)

नाशिक ग्रामीण पोलिस दलातील ३२ रिक्त शिपाई पदासाठीची भरती प्रक्रिया सुरू असून, तीन हजार २२५ उमेदवारांनी अर्ज केले आहेत. शनिवारी ५७८ उमेदवारांना मैदानी चाचणीसाठी पाचारण करण्यात आले असता, २२८ उमेदवारांनी दांडी मारली; तर ३३९ उमेदवार चाचणीला हजर होते.

शनिवारी ३४६ उमेदवारांची मैदानी चाचणी घेण्यात आली असता, त्यापैकी २८५ उमेदवार पार ठरले. ६१ उमेदवार हे उंची, छाती, कागदपत्र पडताळणीत अपात्र ठरले. (latest marathi news)

बुधवार (ता. १९)पासून पोलिस भरतीची मैदानी चाचणी सुरू आहे. आतापर्यंत तीन हजार १६० उमेदवारांपैकी एक हजार ८१८ उमेदवारांनी हजेरी लावली.

त्यापैकी २५३ उमेदवार हे अपात्र ठरले; तर एक हजार ५६५ उमेदवार मैदानी चाचणीत पात्र ठरले आहेत.