नाशिक : राज्यातील ८४६ पोलिस उपनिरिक्षकांना सहायक निरीक्षक पदावर बढती देण्याचा निर्णय राज्य शासनाने घेतल्यानंतर बुधवारी पोलिस महासंचालकांनी (DGP) आदेश काढले आहेत. या बढतीत नाशिक शहर पोलिस आयुक्तालयातील सहा तर नाशिक ग्रामीणच्या अठरा अशा एकुण २४ जणांना एपीआय म्हणूण पदोन्नती मिळाली आहे.
यांना मिळाली बढती
गृह विभागाने बढतीचे निर्देश जारी केल्यानंतर काल बुधवारी (ता.२३) पोलिस महासंचालक रजनीश सेठ यांनी विविध भागातील एकूण ८४६ पोलिस उपनिरीक्षकांची पदोन्नती केली. नाशिक पोलिस आयुक्तालयातील अंकुश जाधव, राकेश शेवाळे, महेश हिरे, जयश्री अनवणे, आकाश शाही यांच्यासह महेश गायकवाड या पोलिस उपनिरिक्षकांना सहायक पोलिस निरिक्षकपदी पदोन्नती देण्यात आली आहे. याशिवाय नाशिक ग्रामीण पोलिस दलातील जयसिंग राजपूत, विठ्ठल चासकर, राहुल गवई, दिनेश सुर्यवंशी, तुषार साळुंखे, विलास घिसाडी, अजय कवडे, गोपाळ लावणे, मुकेश गुजर, आनंदा माळी, रामकृष्ण सोनावणे, दीपक बागूल, विनोद वसावे, गजानन राठोड, रामेश्वर घुगे, गणेश आखाडे, विवेक बैरागी आणि रुपचंद लालचंद शेले या अठरा जणांना सहाय्यक पोलिस निरिक्षक पदी पदोन्नती देण्यात आली आहे.
तर पदोन्नती नाही
ज्या आधिकाऱ्यांना पदोन्नती मिळाली आहे. त्यांच्या विरोधात गुन्हा दाखल असेल, निलंबन, तसेच विभागीय चौकशी किंवा न्यायालयीन प्रकरण प्रलंबित असेल किंवा ते एखादी शिक्षा भोगत असतील तर संबंधित घटक प्रमुखांनी त्यांना पदोन्नती न देता त्यांच्या विरुध्दच्या प्रकरणांची सविस्तर माहिती पोलिस महासंचालक कार्यालयाने ई-मेलव्दारे किंवा फॅक्सव्दारे तत्काळ मागविली आहे. त्यानंतर संबधितांच्या पुढील आदेशांची वाट पहावी, असे आदेशात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
