Nashik News : निराधार, निवृत्ती वेतन योजनेतील लाभार्थ्यांसाठी आधार अपटेड शिबिर

Nashik News : दिंडोरी तालुक्यातील राज्य शासन पुरुस्कृत संजय गांधी निराधार योजना व श्रावणबाळ सेवा राज्य निवृत्ती वेतन योजनेतील सर्व लाभार्थ्यांची माहिती डायरेक्ट बेनिफिट ट्रॉन्सफर (डीबीटी) पोर्टलव्दारे भरण्यासाठी तालुक्यातील ९ मंडलात सोमवार (ता. ८) ते शुक्रवार (ता.१२) दरम्यान आधार अपडेट व बँक खात्याला आधार संलग्नीकरण शिबिराचे आयोजन केल्याची माहीती दिंडोरीचे तहसिलदार मुकेश कांबळे यांनी दिली.

केंद्र व राज्य सरकारच्या अनेक योजनांसाठी ‘आधार’ चा उपयोग होतो. त्यासाठी अद्ययावत केलेले ‘आधार कार्ड’ च स्वीकारले जाते. म्हणून प्रत्येकाने आधार अपडेट करणे गरजेचे असून डीबीटी पोर्टलद्वारे लाभार्थ्यांना मिळणारा लाभ थेट लाभार्थ्यांच्या बँक खात्यात वर्ग होण्यासाठी व कोणताही पात्र लाभार्थी योजनेच्या लाभापासून वंचित राहू नये व मिळणारा लाभ जलदगतीने थेट लाभार्थ्यांना मिळावा.

यासाठी प्रशासनाकडून दिंडोरी तालुक्यातील राज्य पुरस्कृत संजय गांधी निराधार योजना व श्रावणबाळ सेवा राज्य निवृत्ती वेतन योजनेतील सर्व लाभार्थ्यांची माहिती संकलीत करण्याचे काम हाती घेतले आहे. लाभार्थ्यांना आपले आधार कार्ड अपडेट व बँक खात्याशी सलग्न करण्यासाठी तालुक्यात किंवा महा ई सेवा केंद्र. (latest marathi news)

आधार नोंदणी केंद्रावर वांरवार हेलपाटे होवू नयेत, यासाठी तहसिलदार कांबळे यांनी दिंडोरी तालुक्यातील ९ मंडलात सुट्टीचा दिवस वगळता सकाळी १० ते सायंकाळी ५ वाजेपर्यंत आधार अपडेशन कॅम्प आयोजित केला आहे. ज्या लाभार्थ्यांची माहिती विहित विवरणपत्रात पोर्टलवर भरणे प्रलंबित आहे अशा सर्व लाभार्थ्यांनी त्यांचे अपडेट केलेल्या आधारकार्डची झेरॉक्स.

राष्ट्रीयकृत बँक खातेच्या पासबुकची झेरॉक्स व बैंक खात्याला लिंक केलेला मोबाईल क्रमांक, दिव्यांग असल्यास सिव्हिल सर्जन नाशिक यांचेकडील दिव्यांग प्रमाणपत्रासह कॅम्पमध्ये आपला सहभाग नोंदवण्याचे आवाहन तहसिलदार मुकेश कांबळे, नायब तहसिलदार बकरे यांनी केले आहे.