जुने नाशिक : द्वारका भागातून साडी विक्रेत्याचे अपहरण झाल्याची बाब परिसरातील जागरूक नागरिकांमुळे समोर आली आहे. एका चारचाकीतून आलेल्या अज्ञातांनी विक्रेत्याचे अपहरण केल्याची माहिती पोलिसांना दिली. पोलिसांना अपहरणाच्या ठिकाणी साड्यांचा गठ्ठा मिळून आला असून पोलिस घटनेची शहानिशा करत आहेत. उशिरापर्यंत कुठलीही तक्रार दाखल झालेली नव्हती. द्वारका भागातील सर्विस रोडवर फेरी करून साडी विक्री करणारा विक्रेता साड्यांच्या गट्ट्यासह उभा होता. (Abduction of seller from Dwarka area Information of aware citizens in police control room )
अचानक एक विनाक्रमांकाचे वाहन त्याठिकाणी आले. त्यातील काही जण खाली उतरून साडी विक्रेत्या गाडीत बसवून घेऊन गेले, अशी माहिती प्रत्यक्षदर्शीने पोलिस नियंत्रण कक्षास दिली. त्यांनी भद्रकाली पोलिस ठाण्याचे त्या भागातील बीट मार्शल कर्मचाऱ्यांना घडलेल्या प्रकाराची शहानिशा करण्यास सांगितले. अवघ्या काही वेळेत बीट मार्शल कर्मचारी घटनास्थळी दाखल झाले. नियंत्रण कक्षास माहिती देणाऱ्या संपर्कावर त्यांनी संपर्काचा प्रयत्न केला. विना क्रमांकाचे वाहन त्याठिकाणी आले, त्यातील काही जणांनी खाली उतरून साडी विक्रेत्यास घेऊन गेले.
अशी माहिती त्यांनी पोलिसांना दिली. घटनास्थळी साड्यांचा गठ्ठा पडून असल्याचे पोलिसांना आढळले. त्यांनी पोलिस ठाण्यास माहिती दिली. गठ्ठा उचलून पोलिस ठाण्यात आणला. परिसरात चौकशी केली याव्यतिरिक्त अन्य कुठलीही माहिती पोलिसांना मिळू शकली नाही. घडलेली घटना खरी आहे किंवा नाही निश्चित समजू शकलेले नाही. घटनेचे गांभीर्य घेता पोलिस घटनेची शहानिशा करत आहे. परिसरात घटनेची माहिती पसरतात विविध चर्चांना उधाण आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
