Nashik Accident News : येथील एकलहरे रोड वर गवळी बाबा मंदिर जवळ पहाटेच्या सुमारास झाडावर कार आदळून झालेल्या अपघातात एक जण ठार झाला असून तीन जण जखमी झाले आहेत. जखमींना बिटको रुग्णालयात दाखल करण्यात आले आहे.
पोलिसांच्या माहितीनुसार, एकलहरे रोड वरील गवळी बाबा मंदिरा जवळ बुधवारी (ता. 6) पहाटेच्या सुमारास एकलहरे कडे भरधाव वेगाने जाणारी कार (एमएच 14 सीसी 9632) रस्त्याच्या बाजूला असेलल्या निलगिरीच्या झाडावर आदळून अपघात झाला. (Nashik Accident 1 killed 3 injured in car accident on Eklahare Road)
या अपघातात रोहीत राजेंद्र रणशूर (34) वर्षे, मोहिते गॅरेज मागे, अरिंगळे मळा, नाशिकरोड येथील तरुण मृत झाला असून इतर तीन जण जखमी झाले आहेत. त्यांच्यावर बिटको रुग्णालयात उपचार सुरु आहे.
वरिष्ठ पोलीस निरीक्षक रामदास शेळके, गुन्हे शाखेचे कर्मचारी यांनी घटनास्थळी धाव घेतली. मृत रोहीत रणशूर हा नाशिक औष्णिक वीज केंद्रातील कर्मचारी असल्याचे समजते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
