नाशिक : छत्रपती संभाजीनगर रोडवरील पांजरपोळजवळ भरधाव चारचाकीने दिलेल्या धडकेत दुचाकीस्वार महिला ठार झाल्याची घटना घडली. या प्रकरणी आडगाव पोलिसात चारचाकी चालकाविरुद्ध अपघाताचा गुन्हा नोंदविण्यात आला आहे. विनोद राजू कानडे (रा. जोशीवाडा, हिरावाडी) असे संशयित वाहनचालकांचे नाव आहे. (Bike rider woman dead in collision with four wheeler)
भास्कर पोपट बर्वे (रा. माऊली मळा, माडसांगवी) यांच्या फिर्यादीनुसार त्यांची पत्नी ज्योती बर्वे (३८) या रविवारी (ता.१३) छत्रपती संभाजीनगर रोडने माडसांगवीच्या दिशेने मोपेडवर प्रवास करीत होत्या. त्यावेळी सीएनजी डेपो भागातील पांजरपोळच्या गेटसमोर नांदूर नाक्याकडून भरधाव येणाऱ्या कारने (एमएच- १५- ईपी- ६७९३) धडक दिली. अपघातात बर्वे जखमी झाल्या. त्यांना परिसरातील खासगी रूग्णालयात दाखल करण्यात आले होते. मध्यरात्री उपचार सुरू असताना त्याचा मृत्यू झाला. अपघातात मोपेडचेही मोठे नुकसान झाले. जमादार जाधव तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
