Nashik News : मागासवर्गीय मुलींच्या शासकीय वसतिगृहात प्रवेश

Nashik News : सामाजिक न्याय विशेष सहाय्य विभाग अंतर्गत १२५ जयंती २५० मागासवर्गीय मुलींच्या शासकीय वसतिगृहातील रिक्त जागांसाठी शैक्षणिक वर्ष २०२४-२५ साठी १० वी चा निकाल लागल्यापासून प्रवेश प्रक्रिया सुरू झाली आहे. तरी सर्व अनुसूचित जाती, अनुसूचित जमाती, आर्थिकदृष्ट्या मागास बी पी एल धारक, विशेष मागास प्रवर्ग, अनाथ गरजूंनी याचा लाभ घ्यावा, असे आवाहन वसतिगृहाच्या गृह प्रमुख व्ही. पी. बाबर यांनी प्रसिद्धी पत्रकान्वये केले आहे. ( Admission of backward class girls in government hostel )

इच्छुकांनी प्रवेश अर्ज वसतिगृहातून प्राप्त करून भरलेले परिपूर्ण अर्ज १५ जुलै २०२४ ते पुढील आदेशापर्यंत १२५ जयंती २५० मागासवर्गीय मुलींचे शासकीय वसतिगृह (नाशिक) येथे जमा करावयाचे आहेत. वसतिगृह प्रवेशासाठी अर्जासोबत गुणपत्रिका, पालकांचा उत्पन्नाचा दाखला, जातीचे प्रमाणपत्र, आधार कार्ड प्रत, रहिवासी दाखला, बँक पासबुकची पहिल्या पानाची प्रत, शाळा सोडल्याचा दाखला, बोनाफाईड/शैक्षणिक शुल्क भरणा पावती, गॅप सर्टिफिकेट (गॅप असल्यास) व रेशन कार्ड प्रत इत्यादी कागदपत्रे आवश्यक आहेत. (latest marathi news)

प्रवेश प्रक्रियेसाठी रिक्त जागा…

अनुसूचित जाती १० जागा, मातंग ८ जागा, मेहतर १० जागा, अनुसूचित जमाती ३ जागा, वि.जा.भ.ज. ४ जागा, इ.मा.व. निरंक , वि.मा.प्र ४ जागा, दिव्यांग ७ जागा, अनाथ ४ जागा व खास बाब १० जागा अशा एकूण ६० जागा आहेत.

सदर वसतिगृह हे के के वाघ इंजिनियरिंग कॉलेज, पंचवटी कॉलेज, भुजबळ कॉलेज, एम.व्ही पी कॉलेज या सर्व महाविद्यालयांपासून २ ते ५ किलोमीटरच्या अंतरावर आहे. वसतिगृहात पात्र विद्यार्थिनींसाठी सर्व सोयी-सुविधा, निवास, नाश्ता, दोन्ही वेळचे जेवण हे विनामुल्य आहे. याव्यतिरीक्त निर्वाह भत्ता प्रतिमाह रूपये ९०० हा विद्यार्थिनींना दिला जातो, असेही प्रसिद्धीपत्रकात नमूद केलेले आहे.