नाशिक : महाराष्ट्र राज्‍य परीक्षा परिषदेतर्फे महाराष्ट्र शिक्षक पात्रता परीक्षा २०२४ (महाटीईटी २०२४) ची घोषणा केली आहे. येत्या १० नोव्‍हेंबरला राज्‍यपातळीवर ही परीक्षा घेतली जाणार आहे. परीक्षेला प्रविष्ट होण्यासाठी पात्रताधारक उमेदवारांना ३० सप्‍टेंबरपर्यंत ऑनलाइन पद्धतीने नोंदणी करता येणार आहे. पहिली ते पाचवी आणि सहावी ते आठवीसाठी सर्व व्‍यवस्‍थापन, सर्व परीक्षा मंडळे, सर्व माध्यमे, अनुदानित, विनाअनुदानित, कायम विनाअनुदानित आदी शाळांमध्ये शिक्षणसेवक, शिक्षकपदावर नियुक्‍तीसाठी ही परीक्षा उत्तीर्ण होणे अनिवार्य आहे. (Application deadline for TET exam till 30 November 10 across state )