नाशिक : सन २०२४ मध्ये झालेल्या लोकसभा निवडणुकीच्या तुलनेत विधानसभा निवडणुकीत मतदारसंघनिहाय महिलांचे मतदान कमी झाले असले, तरी दुसरीकडे मात्र सन २०१९ च्या विधानसभा निवडणुकीच्या तुलनेत यंदाच्या विधानसभा निवडणुकीत महिलांचे मतदान मात्र वाढले. सरासरी १०.११ टक्क्यांनी महिला मतदानात वाढ झाली आहे. जिल्हा निवडणूक कार्यालयामार्फत जिल्ह्यातील १५ विधानसभा मतदारसंघांतील मतदानाची अंतिम आकडेवारी जाहीर करण्यात आली.