नाशिक : विधानसभा निवडणुकीत बुधवारी (ता. २०) विक्रमी ६९.२ टक्के मतदान झाल्यावर आता शनिवार (ता. २३)च्या निकालाकडे सर्वांचे लक्ष लागून आहे. जिल्ह्यातील १५ विधानसभा मतदारसंघांत सर्वप्रथम देवळालीचा, तर सर्वांत उशिरा नाशिक पश्‍चिमचा निकाल घोषित होईल. जिल्ह्यातील १५ मतदारसंघांमध्ये बुधवारी मतदानाची प्रक्रिया सुरळीत पार पडली. शनिवारी सकाळी आठपासून मतमोजणीला सुरुवात होणार आहे. संबंधित विधानसभा मतदारसंघांतच मतमोजणीची व्यवस्था करण्यात आली.