सिन्नर : सिन्नर शिर्डी राष्ट्रीय महामार्गावर मिरगाव शिवारात बुधवारी रात्री आठ वाजेच्या सुमारास अज्ञात वाहनाने धडक देऊन केलेल्या अपघातात 25 वर्षीय दुचाकी स्वार तरुणाचा मृत्यू झाला. सागर राजेंद्र माळी हा पाथरे येथील आदिवासी वस्तीत राहणारा तरुण बुधवारी रात्री दुचाकीवरून वावी बाजूकडून पाथरेकडे जात होता. त्याला अज्ञात वाहणाने पाठीमागून धडक देऊन अपघात केला. (Bike rider died in collision with unknown vehicle on Shirdi highway )
या अपघाताची माहिती स्थानिकांनी टोल प्लाजावरील रुग्णवाहीकेस कळवली. रुग्णवाहिकेतून गंभीर जखमी अवस्थेत असलेल्या सागर याला उपचारासाठी प्रारंभी कोपरगाव येथील संत जनार्दन स्वामी हॉस्पिटलमध्ये दाखल करण्यात आले. मात्र डोक्याला गंभीर मार असल्याने व अतिरक्तस्राव होत असल्याने त्याला पुन्हा नाशिकला पाठवण्यात आले. मात्र रस्त्यातच त्याचा मृत्यू झाला. याप्रकरणी वावी पोलिस ठाण्यात आकस्मित मृत्यूची नोंद करण्यात आली आहे. सिन्नर येथील उपजिल्हा रुग्णालयात शवविच्छेदन करण्यासाठी मृतदेह पाठवण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
