Nashik East Assembly Constituency : नाशिक पूर्व विधानसभा मतदारसंघात जनशक्ती विरुद्ध धनशक्ती अशा लढाईत भाजपचे ॲड. राहुल ढिकले यांनी राष्ट्रवादी काँग्रेस शरदचंद्र पवार गटाचे गणेश गिते यांची पाठ जमिनीला लावत आस्मान दाखविले. या मतदारसंघावर भाजपचे सुरुवातीपासूनच निर्विवाद वर्चस्व असल्याचे पुन्हा एकदा सिद्ध झाले आहे. भौगोलिकदृष्ट्या तीन विभागांमध्ये विभागणी झालेल्या नाशिक पूर्व मतदारसंघात यंदाची निवडणूक अगदी चुरशीची झाली.