Nashik Accident News : दोधेश्‍वर फाट्यानजीक बसचा भीषण अपघात; वृद्ध महिला जखमी

Nashik Accident News : नामपूर-सटाणा रस्त्यावरील दोधेश्‍वर फाट्यानजीक चालकाचे बसवरील नियंत्रण सुटल्याने बसने विद्युत खाबांला धडक दिली. धडक इतकी भीषण होती की बसने खांब शंभर फुट फरफटत नेला. त्यानंतर शेजारील डाळिंब बागेत बस जाऊन आदळली. या अपघातात बसमधील १९ प्रवासी किरकोळ जखमी झाले. तर एका वृद्ध महिलेला नामपूर येथील ग्रामीण रुग्णालयात दाखल करण्यात आले आहे. ( bus accident near Dudheshwar phata )

नाशिक-साक्री बसने नामपूर रस्त्यावरील दोधेश्‍वर फाट्याजवळ चालकाचे नियंत्रण सुटल्याने रस्त्याच्या कडेला असलेल्या वीज वितरणाच्या विद्युत खांबाला जबर धडक दिली. यात बस १०० फुट पुढे जाऊन डाळिंबबागेत शिरल्यानंतर पुढील दोन्ही चाके निखळून पडल्याने बस थांबली. अपघातात १९ प्रवासी किरकोळ जखमी झाले. प्रवाशांमधील मिराबाई वाघ (रा. वरचे टेंभे) ही वृद्धा जखमी झाल्याने त्यांना नामपूर येथील ग्रामीण रुग्णालयात दाखल करण्यात आल्याचे आगार व्यवस्थापक राजेंद्र आहिरे यांनी सांगितले.