Nashik News : मुंबई-आग्रा महामार्गावरील पिंपळगाव बसवंत येथील टोलनाक्यावर टोलचा झोल सुरूच असून लोकल कारला टोलमधून सूट असतानाही फास्ट टॅगमधून २२५ रुपये कट झाल्याने वाहन मालकाने टोल प्रशासनावर संशय व्यक्त केला आहे. ओझर येथील व्ही. बी. वाघ यांची कार (क्रमांक एम एच १५ जीएल ९१२६) ची पिंपळगाव टोल नाक्यावर लोकल कार म्हणून टोलमधून सूट मिळण्यासाठी नोंद झाली आहे. (car is registered as local Rs 225 toll is charged at Pimpalgaon Baswant)
ओझर ते सटाणा प्रवासात सकाळी जाताना २२५ रुपये टोल फास्ट टॅगमधून कट झाला. मात्र सटाणा येथून ओझरला येताना फास्ट टॅगमधून टोल कट झाला नाही. त्यांचे हे वाहन लोकल टोल असूनही पिंपळगाव टोल नाक्यावरून पैसे कट झाल्याचा मेसेज वाघ यांना टोल नाक्यावरून पुढे आल्यानंतर आला. असाच प्रकार याच कारबाबत दीड महिन्यापूर्वीही घडला होता. (latest marathi news)
त्यावेळी मालेगाव जाताना टोल कट झाला नव्हता मात्र रात्री अकरा वाजेला परत येताना २२० रुपये टोल कापला गेला. यामुळे पिंपळगाव टोल नाक्यावर अजूनही टोलचा झोल सुरू असल्याचा आरोप होत असून किती मोठ्या प्रमाणात पैसे वसूल होत असतील, असा प्रश्न उपस्थित करत संबंधित यंत्रणेने चौकशी करावी, अशी मागणी वाहन धारकांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
