Nashik News : शैक्षणिक वर्ष २०२४-२५ साठी बीबीए, बीसीए, बीएमएस, बीबीएम या अभ्यासक्रमांच्‍या प्रवेशासाठी पुन्‍हा एकदा सीईटी परीक्षा घेतली जाणार आहे. यासंदर्भात सीईटी सेलने निर्णय जाहीर केला आहे. परंतु परीक्षेची दिनांक व अर्ज करण्यासाठीचा तपशील अद्याप जाहीर केलेला नाही. त्यामुळे वेळापत्रकाची विद्यार्थ्यांना प्रतीक्षा करावी लागणार आहे. (CET exam will be conducted once again for admission to BBA BCA BMS BBM courses)
शैक्षणिक वर्ष २०२४-२५ साठी यापूर्वी २९ मेस सीईटी परीक्षा आयोजित केली होती. या सीईटी परीक्षेला अनेक विद्यार्थी सहभागी होऊ शकले नव्‍हते. त्यामुळे विद्यार्थी व पालकांनी सीईटी सेलला संपर्क साधताना अतिरिक्‍त सीईटी परीक्षा घेण्याबाबत विनंती केली होती.
प्रत्‍यक्ष भेट देऊन तसेच ई-मेल, दूरध्वनीद्वारे संपर्क साधताना ही मागणी केली होती. या पार्श्वभूमीवर उमेदवारांच्‍या शैक्षणिक हिताचा विचार करून सीईटी घेण्यासंदर्भात शासनाने सीईटी कार्यालयास कळविले होते. (latest marathi news)
त्‍यानुसार बीबीए, बीसीए, बीएमएस व बीबीएम या अभ्यासक्रमांच्‍या प्रवेशासाठी अतिरिक्‍त सीईटी परीक्षा घेण्याची घोषणा केली आहे.
अखेर गोंधळाला पूर्णविराम
सीईटी पुन्‍हा घेण्यासंदर्भात संभ्रम निर्माण झाला होता. दुसऱ्यांदा सीईटी घेतली जाणार असल्‍याची चर्चा शैक्षणिक वर्तुळात सुरु होती. परंतु लेखी आदेश उपलब्‍ध नसल्‍याने गोंधळ निर्माण झाला होता. सीईटी सेलने सूचनापत्र जारी केल्‍यानंतर या गोंधळाला पूर्णविराम लागला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.