नाशिकसह उत्तर महाराष्ट्रात सध्या मुसळधार परतीचा पाऊस कोसळत आहे. यामध्ये मोठ्या प्रमाणावर पिकांचं आणि नागरिकांच्या घरांचं नुकसान झालं आहे. नाशिकच्या चांदवड तालुक्यात अतिवृष्टी झाली असून याठिकाणचा तामटीचा पाझर तलाव फुटल्याची माहिती प्रशासनानं सकाळच्या प्रतिनिधीशी बोलताना दिली. यामुळं खालच्या भागात राहणाऱ्या नागरिकांचं सुरक्षित स्थळी स्थलांतर करण्यात आलं आहे.
