पंचवटी : पावसाळा सुरू झाला म्हणजे खड्डे पडणार हे नाशिककरांना नवीन नाही. मुंबई आग्रा महामार्गावर उड्डाण पुलावर चार चारचाकी वाहनांचा असाच सिनेस्टाईल अपघात झाला. यात एकमेकांवर गाड्या चढल्याचे दिसून येत आहे. सुदैवाने कुठलीही जीवित हानी झाली नसून किरकोळ जखमी झाल्याची माहिती समजत आहे. मात्र चारही वाहनांचे नुकसान झाल्याचे निदर्शनास येत आहे. (Nashik cinestyle accident involving four vehicles on flyover marathi news)
याबाबत अधिक माहिती अशी की, गेल्या दोन दिवसापासून पावसाने चांगलाच जोर धरला आहे. या पावसाने मुंबई आग्रा महामार्गावरील उड्डाणपुलाचे पडलेल्या खड्ड्यांमुळे कामाचे पितळ उघडे पडले आहे. टोल वसुली करून देखील रस्ता हा खड्डेमय झाला आहे. याच पार्श्वभूमीवर मंगळवार ता.२३ रोजी शिवसेना उबाठा-गटाने घोटी येथील टोलनाक्यावर जाऊन आंदोलन देखील केले होते.
बुधवार ता.२४ रोजी दुपारी दोन ते तीन वाजेच्या सुमारास आडगाव कडून मुंबईकडे जाणाऱ्या चार चारचाकी वाहनांचा सिनेस्टाईल अपघात झाला. यात टाटा सफारी गाडीवर फॉर्च्युनर , फॉर्च्युनर गाडीवर स्विफ्ट, स्विफ्टवर महिंद्रा हल्क ही गाडी चढलेली दिसून येत आहे. (latest Marathi news)
सदर अपघात हा खड्ड्यामुळे झाला असल्याचे निदर्शनास येत आहे. तरी देखील महामार्ग प्रशासनाने या खड्ड्यांचा प्रश्न वेळीच मार्गी लावा अशी मागणी नागरिकांकडून केले जात आहे. सुदैवाने या अपघातामध्ये कुठलीही जीवित हानी झालेली नाही. मात्र चारही वाहनांचे नुकसान झाल्याचे दिसून येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
