Nashik News : शहरातील समस्यांवरून ऑगस्ट महिन्यात आयुक्तांना धारेवर धरणाऱ्या भारतीय जनता पक्षाच्या आमदारांनी शुक्रवारी (ता.५) पुन्हा पाणी टंचाईसह विविध समस्यांवर पुन्हा आयुक्तांना घेरले. आयुक्तांनी तातडीने समस्यांची निराकरण करण्याच्या सूचना दिल्या. (Complaints from water scarcity to cremation)
शहराला पाणीपुरवठा करणारे धरणे काठोकाठ भरले असताना पाणीपुरवठ्यात असमतोल आहे, काही ठिकाणी पाणी येते मात्र पाण्याबरोबर गाळ वाहून येतो. अनेक भागांमध्ये नियमित पाणीपुरवठा होत नाही. पाणीपुरवठा सुरळीत करण्यासाठी तांत्रिक कारणे दिली जातात व त्यातून पैशांचीही मागणी केली जाते.
पंचवटी विभागात अनेक दिवसांपासून बंद असलेली शवदाहिनी सुरू करण्यासाठी आमदार निधीतून वित्त पुरवठा केला. मात्र यांत्रिकी विभागाने मोटार दुरुस्ती केली नाही, अशा एक ना अनेक तक्रारी आज भारतीय जनता पक्षाच्या आमदारांसह लोकप्रतिनिधींनी केली.
आमदार ॲड. राहुल ढिकले यांनी तातडीने पाणीपुरवठा सुरळीत करण्याबरोबरच रस्त्यांची दुरुस्ती करून नागरिकांना त्रासातून मुक्त करण्याची मागणी केली सिडको विभागात पाणीपुरवठा सुरळीत करण्याचे मागणे आमदार सीमा हिरे यांनी केली. भाजपचे शहराध्यक्ष प्रशांत जाधव, माजी उपमहापौर गुरमित बग्गा, हेमंत शेट्टी, प्रतिभा पवार, रश्मी हिरे, खंडू बोडके आदी यावेळी उपस्थित होते. (latest marathi news)
धम्म मेळाव्यास सुविधांची मागणी
विजयादशमीच्या दिवशी त्रिरश्मी लेणी येथे धम्म मेळावा आयोजित केला जातो. यंदा मोठ्या स्वरूपात मेळावा होणार असून त्यासाठी सुविधा पुरविण्याची मागणी भंते यांनी केली. मागील वर्षी श्रीलंका येथून आणलेल्या बोधी वृक्षाच्या फांदीचे रोपण येथे केले आहे. त्यामुळे येथे मोठ्या प्रमाणात उत्सव होणार आहे. त्यासाठी सुविधा पुरविण्याची मागणी करण्यात आली. आयुक्त करंजकर यांनी तातडीने सुविधा पुरविण्याच्या सूचना दिल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
