डांगसौंदाणे : येथील शिवतीर्थ ते संभाजी चौकापर्यंत एक किलोमीटर रस्ता काँक्रिटीकरणाचे काम दोन महिन्यांपासून संथ गतीने सुरु आहे. त्यामुळे वाहतुकीवर परिणाम झाला असून, ३८ गावांची बाजारपेठ प्रभावीत झाली आहे. रस्ता कामाला गती देण्याची मागणी नागरीकांनी केली आहे. (Nashik concreting of road in Dangsaundane not speeding upmarathi news)
कॉंक्रीटीकरणासाठी दोन ते तीन फूट रस्ता खोदण्यात आला आहे. जवळपास दीड महिन्यापासून पुढील कामाला सुरुवात झालेली नाही. खोदकाम केलेल्या रस्त्यावर खडी टाकण्यात आली आहे. ठिकठिकाणी खडी, मुरूम, वाळूचे मोठमोठे ढिग पडले आहेत.
हा रस्ता जिल्हा परिषद शाळा, जनता विद्यालय व महाविद्यालयाजवळून गेला आहे. मुख्य बाजारपेठ व रहदारीचा रस्ता असल्यामुळे विद्यार्थी, महिला, वृद्धांना त्रास सहन करावा लागतो. वेळोवेळी विद्यार्थी, वृद्ध रस्त्यावर पडून दुखापत होते. रस्ता मुख्य बाजारपेठेचा असल्याने नेहमीच वर्दळ असते.
बसस्थानक जवळच असल्यामुळे व्यापाऱ्यांचे मोठ्या प्रमाणात नुकसान होत आहे. बससह इतर वाहनांसाठी रस्ता बंद करण्यात आला आहे. त्यामुळे प्रवाशांना बस पकडण्यासाठी पायी जावे लागते. खोदलेल्या रस्त्यांमुळे एसटी गाड्या व इतर वाहनांना सुद्धा रहदारीस बंद झालेला आहे .त्यामुळे बस गाड्या बस स्टॉप वर येत नाहीत. (Latest Marathi News)
अधिकाऱ्यांचा वेळकाढूपणा
रस्ता लवकर व दर्जेदार करण्यासाठी अधिकाऱ्यांशी संपर्क केला असता त्यांच्याकडून वेळकाढूपणाचे उत्तर मिळत आहे. परिसरातील नागरिकांनी कामाचा दर्जा नित्कृष्ट असल्याच्या तक्रारी केल्या आहेत. काम चांगल्या दर्जाचे व लवकरात लवकर पूर्ण करावे, अशी मागणी केली जात आहे.
"जवळपास दोन महिन्यांपासून रस्ता कामाला सुरुवात झाली आहे. रस्ता खोदून ठेवल्यामुळे वाहतुकीला अडथळा निर्माण झाला आहे. परिणामी, ग्राहक येत नसल्याने व्यापार मंदावला आहे. रस्त्याचे काम त्वरीत करावे."- किशोर चिंचोरे, किराणा व्यापारी, डांगसौंदाणे
"रस्ता कामामुळे व खोदकामामुळे विद्यार्थी व वृद्धांना त्रास सहन करावा लागतो. त्यामुळे रस्त्याचे काम तातडीने सुरु करून गैरसोय टाळावी. रस्ता काम निविदेप्रमाणे करावे."
- निवृत्ती सोनवणे, ग्रामस्थ, डांगसौंदाणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
