Nashik News : म्हसरुळ येथे वन विभागाने जप्त केलेले चंदन लाकूड प्रकरणाचा तपास अजूनही योग्य दिशेने गेलेला दिसत नाही. छापा टाकल्यानंतर संशयित आरोपीने वन विभागाचा रीतसर वाहतुकीचा परवाना असल्याची कागदपत्रे सादर केली. त्यामुळे या प्रकरणाबद्दल अधिकच संभ्रम निर्माण झाला आहे. (Confusion due to conflicting claims regarding sandalwood case)
वन विभागाकडून मिळालेल्या माहितीनुसार संशयित आरोपी गोपाल शर्मा याने जो परवाना वनविभागाकडे दाखविला तो २०१६-१७ सालचा आहे. असा एक परवाना काढून त्यावर अनेकवेळा तस्करीची मोडस ऑपरेंडी वापरली जाते. कारण परवान्यामध्ये किती घनमीटर लाकूड वाहतूक केली पाहिजे, असे निर्देशित केलेले असते.
मात्र जुनाच कागद दाखवून अशाप्रकारे तस्करी करण्याचे प्रकार यापूर्वीही उघडकीस आलेले आहेत. तसेच डेपोचा परवाना हा सीसीएफ स्तरावरून दिला जातो. त्याचे दरवर्षी नूतनीकरण करणे बंधनकारक आहे. मात्र संबंधित डेपोचे नूतनीकरण झालेले नाही. (latest marathi news)
त्यामुळे दाखल केलेला गुन्हा हा योग्य असल्याचे वनविभागाच्या वरिष्ठ अधिकाऱ्यांचे म्हणणे आहे. संशयिताने जे परवान्याचे कागदपत्रे वनविभागाकडे सादर केली आहेत, त्याच्या योग्य तपासणीसाठी काही कालावधी लागणार असल्याचे सांगण्यात आले.
तपास गुलदस्त्यात
मुख्य वनसंरक्षक यांच्या बंगल्याच्या आवारातील चंदनाचे झाड चोरीला गेले. त्याचा शोध घेताना झालेल्या कारवाईत म्हसरुळ येथील चंदनसाठा आढळला. मात्र त्यामध्येही चोरी झालेले चंदनाचे झाडाचे लाकूड नव्हते. त्यामुळे मुख्य वनसंरक्षकाच्या बंगल्यातील चंदनाच्या झाडाच्या चोरीचे तपासाचे काय झाले, हा प्रश्न मात्र अजूनही अनुत्तरीतच आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
