नाशिक : कोरोना महामारी प्रादुर्भावाच्‍या दृष्टीने जुलै महिना जिल्हावासियांसाठी दिलासादायक ठरत आहे. शुक्रवारी (ता.२३) जिल्‍ह्‍यात अवघ्या ४९ रुग्‍णांचे अहवाल पॉझिटिव्‍ह आले. तब्‍बल वर्षभराहून अधिक कालावधीनंतर दर दिवशी आढळलेल्‍या कोरोना बाधितांची संख्या पन्नासपेक्षा कमी राहिली. दुसरीकडे १०८ रुग्‍णांनी कोरोनावर मात केली तर तीन बाधितांचा मृत्‍यू झाला. यातून ॲक्‍टिव्‍ह रुग्ण संख्येत ६२ ने घट झाली असून, सद्यःस्‍थितीत जिल्‍ह्‍यात एक हजार ३६६ बाधितांवर उपचार सुरु आहेत. (only 49 corona positive patients reported in district)
पहिल्या व दुसऱ्या लाटेत दैनंदिन आढळणाऱ्या कोरोना बाधितांची संख्या हजारांमध्ये राहिली. जिल्‍ह्‍यात कोरोनाचा पहिला बाधित २९ मार्चला आढळल्‍यानंतर शुक्रवारी नाशिक महापालिका क्षेत्रात वीस बाधितांचे अहवाल पॉझिटिव्‍ह आले. नाशिक ग्रामीणमध्ये २६, मालेगाव महापालिका क्षेत्रात एक, जिल्‍हा बाहेरील दोघा रुग्‍णांना कोरोनाची लागण झाली आहे.
प्रलंबित अहवालांचे वाढले प्रमाण
प्रलंबित अहवालांची संख्या लक्षणीय असून, सायंकाळी उशीरापर्यंत जिल्‍ह्‍यात एक हजार ८८४ अहवाल प्रलंबित होते. नाशिक ग्रामीण क्षेत्रातील सर्वाधिक एक हजार २६२, नाशिक महापालिका क्षेत्रातील ४०८, मालेगाव महापालिका क्षेत्रातील २१४ रुग्‍णांना अहवालाची प्रतिक्षा होती. जिल्‍हाभरातील रुग्‍णालये व गृहविलगीकरणात ४२० रुग्ण दाखल झाले. यात नाशिक महापालिका क्षेत्रातील ३७९ रुग्‍णांचा समावेश आहे. जिल्‍हा रुग्‍णालयात दोन रुग्ण दाखल झाले. नाशिक ग्रामीणमध्ये २९ तर मालेगाव महापालिका क्षेत्रातील दहा रुग्‍णांचा समावेश होता.
(only 49 corona positive patients reported in district)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
