![Crime](http://media.assettype.com/esakal%2F2024-07%2F7b990d15-d27a-4a9a-9b55-033db82881cb%2Fnashik%20News%20-%202024-07-07T185832.652.jpg?rect=0%2C0%2C1200%2C675&w=480&auto=format%2Ccompress&fit=max)
Nashik Crime News : भद्रकाली पोलिस ठाण्यात फसवणूक झाल्याबाबत २६ ऑगस्ट २०१५ रोजी तुषार कासार यांनी तक्रार अर्ज केला होता. तब्बल नऊ वर्षाच्या चौकशीनंतर मंगळवार (ता.२३) रोजी फसवणुकीचा गुन्हा दाखल करण्यात आला. तक्रारदार तुषार कासार यांनी त्यांच्या त्यांचे काका संशयित दिलीप तुकाराम कासार यांचा काठे गल्ली येथील फ्लॅट १९ लाख ५० हजारास त्यांच्याकडून खरेदी केला होता. (After 9 years of investigation case filed in police station )
त्यासाठी अधिकृत दुय्यम निबंधक कार्यालयात व्यवहार झाला होता. त्यातील ३ लाख ७५ हजार धनादेशद्वारे काकांना आगाऊ दिले. उर्वरित १५ लाख ७५ हजारांचे बँकेचे कर्ज घेतले. मूळ खरेदीखत दिलीप कासार यांच्या नावाने होते. कर्ज काढण्यासाठी तेच खरेदीखत बँकेत जमा असल्याने त्यांच्या नावाने बँकेने रकमेचा धनादेश(ड्राफ्ट) दिला. त्यानंतर तक्रारदार यांनी त्यांच्या काकाकडे फ्लॅटचा ताबा देण्याची विनंती केली.
प्रथमत: त्यांनी मुलीचा विवाह झाल्यानंतर ताबा देण्याचे सांगितले. त्यानंतर तब्येत बरी नसल्याचे सांगितले. अशी विविध कारण देत फ्लॅटचा ताबा देण्यास टाळाटाळ केली. तीन वर्षाचा कालावधी उलटला. यानंतर पुन्हा त्यांनी ताबा देण्याची विनंती केली असता संशयित दिलीप तुकाराम कासार यांनी आत्महत्या करून तुमचे नाव घेईन. अशी धमकी दिली.
दरम्यान संशयित काकाने त्याच फ्लॅटवर परस्पर अन्य बँकेचे कर्ज घेतले असल्याची माहिती उघड झाली. २६ ऑगस्ट २०१५ रोजी त्यांनी संशयिताविरुद्ध लेखी तक्रार अर्ज केला. अर्जावरून चौकशी होऊन तब्बल ९ वर्षानंतर मंगळवार (ता. २३) रोजी भद्रकाली पोलिस ठाण्यात पुतण्याच्या तक्रारीवरून काका विरुद्ध फसवणुकीचा गुन्हा दाखल करण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.