Nashik Crime News : आडगाव शिवारातून महिनाभरापूर्वी चोरी झालेला ट्रक परभणीतून जप्त करण्यात आला आहे. याप्रकरणी ट्रक चोरणाऱ्यास मध्यप्रदेशातून तर चोरीचा ट्रक विकत घेणाऱ्यास परभणीतून अटक करण्यात आली असून, सदरची कामगिरी शहर गुन्हेशाखेच्या युनिट एकच्या पथकाने बजावली आहे. (Nashik Crime arrested two in Haiva truck theft)
मंगेश शिंदे (रा. आडगाव शिवार) यांचा हायवा ट्रक ५ ते ७ तारखेदरम्यान आडगाव शिवारातील शिंदे वस्तीवरून चोरीला गेला होता. याप्रकरणी आडगाव पोलिसात गुन्हा दाखल झाला आहे. या गुन्ह्याचा समांतर तपास शहर गुन्हेशाखेच्या युनिट एकचे पथक करीत होते.
गुन्ह्याचा तपास करीत असताना पोलिसांनी घटनास्थळापासून आसपासच्या परिसरातील सीसीटीव्ही फुटेज तपासले. अंमलदार राहुल पालखेडकर यांनी केलेल्या तांत्रिक विश्लेषणाच्या आधारे युनिट एकचे पथक मुख्य संशयितापर्यंत पोहोचले. त्याचा पाठलाग करीत पोलीस थेट मध्यप्रदेशातील इमलिया (ता. शहानगर, जि. पन्ना) येथे धडकले आणि संशयित संतोष उर्फ बसंत गंगाराम राजपूर (राठोड)(२५) यास अटक केली. (latest marathi news)
त्याने हायवा ट्रक चोरीची कबुली दिली. तसेच, चोरीचा ट्रक परभणीत विक्री केल्याचे सांगितले. त्यानुसार पथकाने परभणीतून संशयित हुजूर रसूल सय्यद (२४, रा. हयातनगर, ता. पूर्णा, जि. परभणी) यास अटक केली. संशयितांकडून चोरीचा ६ लाख ५० हजारांचा हायवा ट्रक (एमएच १५ इजी ९५२५) जप्त केला आहे.
याप्रकरणी अटक संशयितांना तपासाकामी आडगाव पोलिसांच्या ताब्यात देण्यात आले आहे. सदरची कामगिरी वरिष्ठ पोलीस निरीक्षक मधुकर कड यांच्या मार्गदर्शनाखाली सहायक निरीक्षक हेमंत तोडकर, उपनिरीक्षक चेतन श्रींवंत, सुगन साबरे, महेश साळुंके, अप्पा पानवळ, राजेश राठोड, राहुल पालखेडे यांच्या पथकाने बजावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
