Nashik Burglary Crime : ओझरला घरफोडी! रोख रकमेसह सोन्याचांदीचे दागिने असा सव्वा दोन लाखांचा अैवज लंपास

Nashik Crime : ओझर येथील एका बंगल्यातील कुटुंब बाहेर गेले असताना व विद्युत पुरवठा खंडित झाला असल्याची संधी साधत आज्ञात चोरट्याने बंगल्याच्या मुख्य दरवाजाचे कडीकोयंडा व सेंटरलाँक तोडून घरात प्रवेश करुन घरातील कपाटांतून रोख रकमेसह 2 लाख 21 हजार सातशे 40 रुपये किमतीचे सोन्याचांदीचे दागिने चोरून नेले असल्याची घटना ओझर येथे घडली. (Nashik Crime Burglary in Ozer)

शनिवार दिनांक 19 रोजी सांयकाळी साडेसहा ते रात्री साडे अकरा वाजेच्या दरम्यान दशरथ बाजीराव फटांगळे राहाणार अँक्वा पार्क शेजारी माऊली बंगलो जुना सायखेडा रोड ओझर हे कुटुंबियासह जवळच्या नातेवाईकाकडे गेले होते त्याच दरम्यान ओझर येथील विद्युत पुरवठा काही काळ खंडित झाला होता ही संधी साधून आज्ञात चोरट्यांनी बंगल्याच्या तारेच्या कुंपनावरुन उडी मारून कंपाऊंड मध्ये प्रवेश केला.

त्यानंतर मुख्य दरवाजाचे कडीकोयंडा व सेंटरलाँक तोडून बंगल्यात प्रवेश करुन लोखंडी व लाकडी कपाटातून 13 हजार रुपये रोख रक्कमेसह सोन्याची लांब पोत, सोन्याचे पॅन्डल सोन्याचा नेकलेस, मनी मंगळसुत्राची लहान पोत, सोन्याची ठुशी. (latest marathi news)

3 नग चांदीचे शिक्के (नाणे) असा एकुण 2 लाख 21हजार 740 रुपयांचा अैवज चोरून नेला असल्याची तक्रार फंटागळे यांनी काल ओझर पोलिस ठाण्यात नोंदविल्यावरून ओझर पोलिसांनी आज्ञात चोरट्याविरुद्ध घरफोडीचा गुन्हा दाखल केला असुन अधिक तपास महिला पोलिस उपनिरीक्षक वाय. व्ही. केंद्रे करत आहे