Nashik Crime News : तिघींच्या मंगळसूत्रावर चैनस्नॅचरचा डल्ला; आडगाव 2 तर, गंगापूरला 1 जबरी चोरीची घटना

Nashik News : चोरी, घरफोड्यापाठोपाठ सोनसाखळी ओरबाडून नेण्याच्या घटना शहरात वाढल्या आहेत. आडगावात तासाभरात दोन महिलांच्या गळ्यातील सोनसाखळी खेचली तर गंगापूरला एका महिलेची पोत खेचून नेत चोरट्यांनी दीड लाखांच्या ऐवजावर डल्ला मारला आहे. वाढत्या सोनसाखळी ओरबाडण्याच्या घटनांवर आळा घालण्याचे मोठे आव्हान शहर पोलिसांसमोर आहे. (Chain Snatcher stolen 3 Mangalsutra)

आडगाव हद्दीत दोन घटना घडल्या आहेत. शकुंतला अशोक माळोदे (रा. आडगाव जुना बाजार) या २९ तारखेला दुपारी सव्वा चार वाजेच्या सुमारास आडगावातील सार्वजनिक शौचालयाजवळ असताना दुचाकीवरून आलेल्या संशयिताने त्यांच्या गळ्यातील सोन्याची पोत खेचून नेली.

तर दुसरी घटना आडगाव शिवारातील रामलीला मंगल कार्यालयासमोर २९ तारखेलाच सायंकाळी सव्वा पाच वाजेच्या सुमारास महिलेच्या गळ्यातील सोन्याची पोत खेचून नेली. यात १ लाख २० हजारांच्या दोघींच्या सोन्याच्या पोती होत्या. (Latest Marathi News)

याप्रकरणी आडगाव पोलिसात जबरी चोरीचा गुन्हा दाखल करण्यात आला आहे. तर तिसरी घटना गंगापूर रोड परिसरात घडली. भारती पुरषोत्तम रावत (रा. आर्चित झोडियाक, सिरीजमीडोज, गंगापूर रोड) यांच्या फिर्यादीनुसार, बुधवारी (ता. १) साकळी सातच्या सुमारास त्या ट्रिलॅन्ड ते हिराबाग या परिसरातून पायी जात होत्या.

त्यावेळी मोपेडवरून आलेल्या दोघांपैकी एकाने त्यांच्या गळ्यातील ३५ हारांची सोन्याची पोत खेचून नेली. याप्रकरणी गंगापूर पोलिसात गुन्हा दाखल करण्यात आला आहे.