नाशिक : खुटवडनगर येथे व्यावसायिक बापलेकांना त्यांच्या घरी जाऊन शिवीगाळ करीत मारहाण केली. तसेच धंदा करायचा असेल तर पैसे द्यावे लागतील अशी धमकी देत खंडणीची (Extortion) मागणी केली. याप्रकरणी संशयित मायलेकांविरोधात अंबड पोलिसात खंडणीचा गुन्हा दाखल करण्यात आला आहे. (Nashik Crime marathi news)
सनी उर्फ मॉन्टी दळवी व त्याची आई अशी संशयितांची नावे आहेत. गणेश हिरालाल ठाकरे (रा. पौर्णिमा स्वीटमागे, खुटवडनगर, अंबड) यांच्या फिर्यादीनुसार, संशयित सनी हा गणेश यांचा मित्र आहे. परंतु त्यांच्या आर्थिक देवाणघेवाण झालेली आहे. त्यातून त्यांच्या वाद झाले होते.
परंतु गेल्या रविवारी (ता. १८) रात्री साडेनऊ वाजता संशयित मॉन्टी व त्याची आई गणेश याच्या घरी गेले असता पुन्हा वाद झाले. त्यावेळी संशयितांनी गणेश ठाकरे व त्याचे वडील हिरालाल ठाकरे या बापलेकांना शिवीगाळ करीत मारहाण केली. यात त्यांचे अंगावरील कपडे फाडले. (Latest Marathi News)
तसेच, तुम्हाला भविष्यात धंदा करायचा असेल तर मला पैसे द्यावे लागतील अशी धमकी देत खंडणीची मागणी केली. याप्रकरणी अंबड पोलिसात खंडणीचा गुन्हा दाखल करण्यात आला असून, पोलीस अंमलदार उमाकांत टिळेकर हे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
