Nashik News : इंदिरानगर परिसरातील कलानगरमध्ये पीडितेच्या विनयभंगप्रकरणी आरोपीला जिल्हा व सत्र न्यायालयाने एक वर्ष सक्तमजुरीची शिक्षा ठोठावली होती. सदरची घटना जून २०२१ मध्ये घडली होती. अमोल कैलास शेजवळ (३२, रा. भीमनगर, शिर्डी, ता. राहता, जि. अहमदनगर) असे आरोपीचे नाव आहे. (Forced labor for accused in case of molestation of women)
पीडितेच्या फिर्यादीनुसार, ९ जून २०२१ रोजी रात्री साडेआठच्या सुमारास आरोपीने पीडितेशी अश्लील बोलून विनयभंग केला होता. याप्रकरणी इंदिरानगर पोलिसात विनयभंगाचा गुन्हा दाखल करण्यात आला होता.
गुन्ह्याचा तपास हवालदार बी.पी. ठाकरे यांनी करीत न्यायालयात दोषारोपपत्र सादर केले होते. प्रथम वर्ग न्यायदंडाधिकारी एम.डी. जोशी यांच्यासमोर खटल्याचे कामकाज झाले. (latest marathi news)
सरकार पक्षातर्फे सहायक सरकारी अभियोक्ता अर्चना शिंदे यांनी कामकाज पाहत साक्षीदार तपासले.
आरोपीविरोधातील दोष सिद्ध झाल्याने न्यायाधीश जोशी यांनी आरोपीला एका वर्षाची सक्तमजुरी व एक हजार रुपयांच्या दंडाची शिक्षा ठोठावली. पैरवी अधिकारी म्हणून अंमलदार आर.के. पाटील, सुधाकर गायकवाड यांनी पाठपुरावा केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
