Nashik Crime News : पंचवटीतील रामवाडीतून दोघा अट्टल दुचाक्या चोरट्यांना जेरबंद केल्यानंतर त्यांच्या आणखी दोघा साथीदारांना शहर गुन्हेशाखेच्या युनिट एकच्या पथकाने अटक केली. तसेच, चोरीची दुचाकी खरेदी करणाऱ्या भंगार विक्रेत्यालाही पोलिसांनी ताब्यात घेत टोळीच जेरबंद झाली आहे. संशयितांकडून चोरीच्या दोन दुचाक्या जप्त करण्यात आल्या आहेत. (Gang of two wheeler thieves on jailed)
अभिजित श्रीराम राऊत (३६, रा. कुमावत गल्ली, रामवाडी), विजय नागराज रेड्डी (४३, रा. संजय नगर, वाघाडी), श्याम गिरीश ओढेकर (रा. डीजीपीनगर, अंबड), कुणाल दत्तात्रय सोनवणे (रा. पंचवटी) यांच्यासह भंगार विक्रेता राजेश गोपीनाथ साळी (रा. तिवंधा लेन, भद्रकाली) यांना पोलिसांनी अटक केली असून, त्यांच्या चौकशीतून अंबड, उपनगर, पंचवटी हद्दीतील तीन गुन्ह्यांची उकल झाली आहे.
शहर गुन्हेशाखा युनिट एकचे अंमलदार विशाल काठे यांना संशयित अभिजित व विजय हे रामवाडीतील गोदापार्क येथे चोरीची मोपेड घेऊन येणार असल्याची खबर मिळाली होती. त्यानुसार, वरिष्ठ पोलीस निरीक्षक मधुकर कड यांच्या मार्गदर्शनाखाली सहायक निरीक्षक हेमंत तोडकर, रवींद्र बागुल, प्रदीप म्हसदे, प्रवीण वाघमारे, संदीप भांड, नाझीम खान, प्रशांत मरकड, शरद सोनवणे, जगेश्वर बोरसे यांच्या पथकाने सापळा रचून दोघा संशयितांना अटक केली. (latest marathi news)
पोलीस चौकशीतून त्यांनी संशतिय शाम व कुणाल यांच्या मदतीने दुचाक्या चोरीची कबुली दिली. यात अंबड, पंचवटी व उपनगर हद्दीतील गुन्ह्याची उकल झाली. संशयितांकडून चोरीच्या ॲक्टिव्हा (एमएच १५ बीवाय ९१५०), पॅशन प्रो (एमएच १५ सीए ९२३२) या एक लाखांच्या दोन वाहने जप्त केली. तर, प्लॅटिना दुचाकी (एमएच १५ सीए ३८७४) ही भंगार विक्रेता राजेश साळी यास विक्री केल्याचे सांगितले. त्यानुसार साळीला ताब्यात घेतले असता त्याने दुचाकी स्क्रॅप केल्याचे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
