नाशिक : गंगापूर पोलीस ठाण्याच्या हद्दीतील कॅनॉल परिसरातील पडीक जागेमध्ये आढळून आलेल्या युवकाच्या मृतदेहाची ओळख पटली आहे. आसिफ फरिक शेख (३९, रा. वेताळबाबा मंदिराजवळ, सातपूर) असे मयत युवकाचे नाव असून त्याच्या पोटात चाकू वा तीक्ष्ण हत्याराने खुपसून खून करण्यात आला आहे. (Nashik Crime gangapur road canal Murdered youth case marathi news)
गंगापूर पोलिसांनी दिलेल्या माहितीनुसार, सोमवारी (ता. १९) सायंकाळी मोतीवाला कॉलेजसमोरील चौफुलीकडून सुला वाईनकडे जाणाऱ्या रस्त्यावरील कॅनॉललगतच्या पडीक जागेत आसिफचा मृतदेह आढळून आला होता. त्याच्या पोटात चाकू वा तीक्ष्ण हत्याराने खुपसून त्याचा खून करण्यात आल्याचे शवविच्छेदन अहवालातून स्पष्ट झाले आहे.
मयत फिरस्ता असून, भंगार गोळा करीत असल्याचे पोलीस तपासातून समोर आले. त्यानुसार पोलिसांनी सातपूर परिसरात त्याच्या फोटोवरून त्याची ओळख पटविली. मात्र अद्याप त्याचा खून कोणी व का केला असावा याचा पोलीस शोध घेत आहेत. (Latest Marathi News)
दरम्यान, या रस्त्यावर कुठेही सीसीटीव्ही कॅमेरे नसल्याने तपासात अडचणी येत आहे. त्यामुळे पोलिसांनी पारंपरिक तपासावर भर दिला असून, मयत आसिफच्या संपर्कातील भंगार गोळा करणाऱ्यांकडे चौकशी केली जात आहे. याप्रकरणी गंगापूर पोलिसात अज्ञाताविरोधात खुनाचा गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
