Nashik Crime News : 3 लाखांसाठी विवाहितेचा छळ!

Nashik News : तीन लाखांची रोख रक्कम आणि दहा तोळे सोने मागणी करत विवाहितेचा शारीरिक मानसिक छळ करण्यात आला. भद्रकाली पोलिस ठाण्यात सासरच्या मंडळींविरुद्ध गुन्हा दाखल करण्यात आला. देवळाली गाव येथील संशयित अल्ताफ युसूफ कुरेशी यांच्याशी सुमारे आठ वर्षांपूर्वी पीडितेचा विवाह झाला होता. (Harassment of married woman for 3 lakhs)

काही वर्ष संसार सुरळीत चालल्यानंतर पती, सासरे, सासू, जेठ, जेठानी यांनी वेळोवेळी विवाहितेचा शारीरिक मानसिक छळ केला. तीन लाख रुपये रोख रक्कम आणि दहा तोळे सोने माहेरून आणण्यास जबरदस्ती केली. नकार दिल्याने शारीरिक मानसिक छळ सुरू ठेवला.

दरम्यान जेठ याने विवाहिता घरात एकटे असताना तिच्याशी अंगलटीचा प्रयत्न केला. मनास लज्जा उत्पन्न होईल असे वर्तन केले. (latest marathi news)

पती आणि सासू-सासऱ्यांना सांगितले असता त्यांनी तिलाच शिवीगाळ करत मारहाण केली. वारंवार झालेल्या त्रासास कंटाळून पती अल्ताफ कुरेशी, जैनब कुरेशी, युसुफ कुरेशी, जेठ युनुस कुरेशी, जेठाणी सलमा कुरेशी अशा पाच जणांच्या विरुद्ध भद्रकाली पोलिस ठाण्यात गुन्हा दाखल करण्यात आला.