Nashik Crime News : अवैधरीत्या दारूची वाहतूक करणारे जेरबंद! 2 वाहनांसह 5 लाखाचा मुद्देमाल हस्तगत

Nashik News : अवैधरीत्या दारूची वाहतूक करणाऱ्या दोन संशयितांना जेरबंद करण्यास आडगाव गुन्हे शोध पथकास यश मिळाले आहे. या संशयितांकडून विदेशी दारू सह दोन वाहनांसह एकूण ५ लाख ३५ हजार ३८० रुपयाचा मुद्देमाल हस्तगत करण्यात आला आहे. याप्रकरणी आडगाव पोलिस ठाण्यात गुन्हा दाखल करण्यात आला असून अधिक तपास पोलिस करीत आहेत. (Illegal liquor traffickers jailed)

आडगाव गुन्हे शोध पथकाचे हवालदार दादासाहेब वाघ व नीलेश काटकर गस्त घालीत असताना सोमवारी (ता. १७) तपोवन भागात दोन चारचाकी वाहनातून अवैधरीत्या दारू घेऊन जात असल्याची गोपनीय बातमीदाराकडून माहिती मिळाली. त्यानुसार आडगाव पोलिस ठाण्याचे वरिष्ठ निरीक्षक प्रवीण चव्हाण यांच्या मार्गदर्शनाखाली सापळा रचला.

तपोवन येथील चव्हाण मळा या ठिकाणी होंडा सिटी, छोटा हत्ती दिसून आली. पोलिस येत असल्याचे बघताच या दोन्ही गाडीवरील चालकांनी गाड्या सोडून पळ काढला. सदर गाड्यांची पाहणी केली असता, छोटा हत्ती (एमएच- १५- जेसी- २८१४) या वाहनातून ३० हजार ७२० रुपयाचे विदेशी दारूचे ४ बॉक्स व होंडा सिटी कारमधून (एमएच- १९- क्यु- ९९११) ३४ हजार ५६० किमतीचे विदेशी दारूचे ४ बॉक्स आढळून आले. (latest marathi news)

यात संशयित राकेश ऊर्फ रवी राजू भालेराव (३५, रा. सैलानी बाबा चौक, पंचवटी) व मनोज रमेश खरे (३०, रा. मु. पो. विखरणी, ता. येवला) यांना ताब्यात घेण्यात आले. आडगाव पोलिस ठाण्याचे वरिष्ठ निरिक्षक प्रवीण चव्हाण, सहाय्यक निरीक्षक निखिल बोंडे, गुन्हे शोध पथकाचे उपनिरीक्षक प्रवीण दाइंगडे.

मयूर निकम, हवालदार सुरेश नरवडे, शिवाजी आव्हाड, नीलेश काटकर, ज्ञानेश्वर कहांडळ, दादासाहेब वाघ, अंमलदार दिनेश गुंबाडे, सचिन बाहिकर, निखिल वाघचौरे, इरफान शेख, अमोल देशमुख, वैशाली महाले यांनी ही कामगिरी बजावली.