नाशिक : इंदिरानगर परिसरामध्ये गावठी कट्टा विक्री करण्यासाठी आलेल्या संशयिताला शहर गुन्हेशाखेच्या युनिट दाेनच्या पथकाने अटक केली. किरण बाळासाहेब दिवे (२८, रा. देवपूर, ता. सिन्नर. सध्या रा. इंदिरानगर) असे संशयिताचे नाव आहे.
शहर गुन्हेशाखेच्या युनिट दोनचे अंमलदार मनोहर शिंदे, महेश खांडबहाले यांना संशयित इंदिरानगर परिसरात गावठी कट्टा विक्रीसाठी येणार असल्याची खबर मिळाली होती. (Nashik Crime One arrested with Gavathi Katta)
वरिष्ठ पोलीस निरीक्षक विद्यासागर श्रीमनवार यांना माहिती दिली असता, लेखानगर-राणेनगर सर्व्हिसरोडवर गुरुवारी (ता. २१) सापळा रचण्यात आला. या रस्त्यावरी सुमन पेट्रोल पंपाजवळ संशयित आला असता, दबा धरून असलेल्या पथकाने त्यास अटक केली.
अंगझडती घेतली असता त्याच्याकडून ३० हजार ५०० रुपयांचा गावठी कट्टा व एक जिवंत काडतुस जप्त करण्यात आला. याप्रकरणी इंदिरानगर पोलिसात गुन्हा दाखल करण्यात आला आहे. सदरची कामगिरी अंमलदार मनोहर शिंदे, महेश खांडबहाले, विशाल कुंवर, समाधान वाजे, तेजस मते, स्वप्निल जुंद्रे, चंद्रकांत गवळी, सोमनाथ जाधव, प्रकाश महाजन, सुनील आहेर यांनी बजावली. (latest marathi news)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
